قصه سعوديه روووووعه انا اقول فلم هندي

[ندعوك للتسجيل في المنتدى أو التعريف بنفسك لمعاينة هذه الصورة]بأنتظار الجزء الثاني للقصة رائعة جدا

نشاطكي ملحوض جدا في قسم القصص

مشكوره وين الثاني

مشكوررررررررررررررررررررين والله يعطيكم العافيه

[ندعوك للتسجيل في المنتدى أو التعريف بنفسك لمعاينة هذه الصورة] وين الجزء الثاني [ندعوك للتسجيل في المنتدى أو التعريف بنفسك لمعاينة هذه الصورة]

طيل مرررررررررره الاجزاء الاوخره الجزء الثاني مووووجود

[ندعوك للتسجيل في المنتدى أو التعريف بنفسك لمعاينة هذه الصورة] لالا اني ما بحكم لا ادا حطيتي الجزى الثاني [ندعوك للتسجيل في المنتدى أو التعريف بنفسك لمعاينة هذه الصورة]

الله يعطيك الف الف عافيه

اني بموت على الجزء الثاني بس في نفس الوقت مليت من القصه صارت بايخه

)))الجزء الثاني((((

ومرت الأيام والسنين وصار عندهم بنتين الي هي (حنين)عمرها 24سنه مأخذه بكالوريوس رياضيات وتدرس دروس خصوصيه

و(العنود)وعمرها18 سنه ثالث ثنوي علمي

(عمر)وعمره 17سنه ثاني ثانوي علمي
(سمر)اخر العنقودعمرها 5سنين......
الأحد السادسه والنصف صباحا
العنود\يمــه يمـــه

دخلت حنين الغرفه\وشفيك تصارخين كأنك ضاربك بليس؟؟؟

العنود\مـالك شغل ليه أصارخ.. انا ناديت امي ماقلت حنين..

حنين\طيب يالعنود انا اراويك وبعدين لا تجين وتقولين لي حنين حبيتي عطيني مكياجك ولا حنين عمري عطيني استشوارك

وطلعت حنين من الغرفه وهي معصبه وبعدها على طول اطلعت وراها

العنود ونقزت في ظهرهاوقالت \حنونه لاتزعلين مني و اسفه انا كنت معصبه لأن مريولي مالقيته وبس وحطيت حرتي فيك تكفين لاتزعلين انا بدونك ماسوى نص ريال في سوق الحراج و..

حنين تقاطعها\خلاص حبيبتي لاتذلين نفسك أكثر من كذه واذا تبين مريولك تراه هوفي الصاله لأني كنت أكويه لك ياغبيه

العنود\ اذا كل يوم بتكوين مريولي اصير غبيه واللي تبينه بعد وتسلمين يابعدطوايف وقلب وروح وجدة وخالة......

حنين تقاطعها \ بس بسس اذتينا على الصبح ي صباح كريم .... اقول عنوده تسمعين اللي اسمعه؟؟هذاصوت امي تصحي عمر؟؟

العنودبأبتسامه خبيثه\ي حان وقت العمل...فيني حره وودي اطلعها فيه

دخلوا غرفة عمر وهم حاملين بأيديهم سطل ماي بارد( يعينك عمر)

ام حنين\يمه عمر قوم ي صل الفجر علشان تروح المدرسه

العنود وحنين\يمه عنك احنا بنقومه روحي خذي الدوا و جهزي الفطور

ام حنين\بسم الر حمن الرحيم من وين انتوا دخلتوا؟

العنود\ من وين يعني يمه من الباب

ام حنين\طيب صحوا أخوكم بس و بلا دفاشه زايده عن اللزوم

حنين\انشاء انت تأمرين امر يالغاليه

طلعت ام حنين من الدار وعلى طول عدوا 1\2\3وكبوا الماي في وجهه

عمروهو يصرخ\ يأخذكم يالحميرليه تسون كذه؟؟؟؟؟

العنود\بس علشان مره ثانيه تصحى بسرعه o.k my brother…

عمر\هين و لراويكم الشغل عدل وحده بوحده واللي بادي أظلم ياللي ماتستحون................................

حنين\يمـــه خرعتني اقول بس قم بسرعه تأخرت على الصلاه والمدرسه
عمر\زين زين فكوني من حشرتكم طلعوا بره

وبعدها راح كل واحد منهم لدربه


وصحت سمر من النوم وطلعت من الغرفه وراحت الصاله وشافت هناك امها وحنين........................................ ..... .....................................
واللي يشوف شكلهايموووت من الضحك لأن طالعه زي المهرجان الكشه ناطه والعيون والخشم منتفخين
سمر\ماماتي وين عنوده وعمر؟؟؟

ام حنين \حبيبتي راحوا المدرسه

حنين\سموره تعالي

وعلى طول ماصدقت خبر سمر طارت لحظنها
سمر\حنين انا احبك
حنين\وانا بعد ي عطيني بوسه

وعلى طول حبت سمر حنين بقوه وبعدين عظتها

حنين\اي حرام عليك ليش تعظيني؟

سمر \عنوده تقول كذه

حنين\لا و

سمر\اي و

حنين\يمه شوفي بنتك فشلتنا كل تعظظ البزارين اللي في حارتنا علشان الانسه عنود معلمتها هالحركه

ام حنين\لا عاقله سمر ماتسوي هالحركات صح سمر؟؟

سمر\صح ام حنين\ ي حبيبتي روحي شوفي MBC3جابوا الكارتون اللي تحبينه

سمر\طيب ماما

حنين\اقول يمه وش قلت نروح بيت عمي والا لا؟

ام حنين\و مدري انت شرايك؟؟

حنين\انت قلت لأبوي ؟؟؟

ام حنين\ايه قلت له وهو بيروح

حنين\طيب انا لازم اخذ اخواني واروح السوق عشان نشتري للعزيمه

ام حنين\ليه ياحنين؟؟ ماله داعي تشترون ملابس جديده وانت تدرين بالحال...
حنين\ ولو يمه مافي أحد أحسن من أحدوبعدين مابي أخواني يحسون

ان هم احسن منا انا على الاقل انا فاهمه بس اخواني صغار ومايفهمون وأكيد بيحسون بالنقص

حنين\يمه تصدقين انا اصلا مستغربه بالعزيمه المفاجئه ....غريبه هم

أصلا مقاطعينا من زمان ولايعترفون فينا ولا في ابوي كيف يعزمونا الحين؟؟؟؟

ام حنين\ و مدري يابنتي اكيد هداهم واعترفوا بغلطهم ويبون يصلون الرحم بعد القطيعه

حنين\كل شي جايز اقول يمه انا بروح انام شويه واذا جاوا البنات صحيني علشان ادرسهم

ام حنين\انشاء

حنين\يمه شفيك تعبانه خذت دواك

ام حنين\ أي حبيبتي خذته روحي ارتاحي
حنين\ اكيد مافيك شي؟؟
ام حنين\ايه اكيد
حنين\طيب انا بروح الحين

دخلت حنين غرفتها وسكرت الباب وراها وهي مره حزينه لأنها تذكرت ذاك اليوم وعمرها مابتنساه طول العمر يوم ابوها

طرشها بيت عمتهاالظالمه علشان تطلب منها فلوس ليشتري فيه السم

الملعون (الخمر)اللي ضيع حلال ابوها كله تذكر ذاك اليوم وكأن صار امس

تذكر ذاك اليوم اللي سمعت فيه انواع الأهانات والتجريح تذكر قسوة

الدنيا عليها وعلى أخوانها بس دائما كانت تقول الدنيا دواره و على الظالم..........."


مشكورين على مروركم وان شاء نعجبكم وانتو الي بتكشفون النهايه

))))الجزء الثالث((((


استأجرت ذاك اليوم تاكسي علشان يوديها بيت عمتهاوكانت الساعه8

بالليل وهي مره خايفه لأنها أول مره تطلع بدون أهلها بس ايش
تسوي؟؟

حكم القوي على الضعيف المهم دخلت حي الحزام الذهبي وكان هذا

الحي جدا راقي واعطت التاكسي وصف البيت والشارع اللي ساكنه فيه

عمتها ووصلت أخيرا ذاك القصر اللي ماتوقعته يكون بهذا الشكل والحجم

البوابه كانت مره كبيره وكان لون البوابه زيتي على ذهبي غامق ولون

البيت ايضا زيتي على ذهبي غامق ...

امها كانت دائما تقول لها ان بيوت

عمامك قصور كبيره بس هي الحين تعجز عن وصف القصر لأنها تحس

انها عايشه في دنيا ثانيه وفي مكان ثاني مش مصدقه ان هذا بيت
عمتها....

وحمدت ربها حنين ان كانت البوابه مفتوحه لأن عمتها كان عازمه ذيك
الليله سيدات أعمال..

المهم قالت لراعي التاكسي:

حنين\ادخل من هذه البوابه

ونزلت حنين من التاكسي وعطته اجر التوصيله

ومشت في حديقة البيت الكبيره عشان توصل للمدخل وكانت تحس

باحاسيس ممزوجه بالرهبه والخـــوف والفضول انها تدخل هالعالم

الغريب...سمت بسم وفتحت باب المدخل وأول مادخلت شافت جموع

من أزواج العيون متجهه صوبها

استحت"خافت"ارتبكت"افكارها متشتته" ماتدري ايش تسوي

ودها رجعت البيت ولا شافت اللي شافته اتحس انها متهمه والقاضي
بيرصد عليها الحكم سمعت اصوات ناس كثيرة اللي يقول مين هذه؟
واللي يقول ليه جايه ؟واللي يقول كأني اعرفها !اصوات كثييره وبعدها
بلحظه عم السكوت المكان....................................... ..... .............

لأن:
جات صاحبة البيت جات العمه اللي ذبحت حنين بنظراتها قبل ماتتكلم

وترمي القنبله الكبيره في وجهها

العمه\حنين هلا و بـ حنين

حنين بصوت مبحوح وي ينسمع \هلا عمه نوره شلونك أبوي يسلم
عليك.......

الموجدين استغربوا عمه ؟؟؟؟ أي عمه وفي وحده تجرأت من الموجدين

وقالت:ماعرفتينا يانوره على بنت أخوك!!

لحظة صمت استمرت دقايق.....

العمه\هاهاهاهاها لامين قال هذه بنت أخوي هذه بنت مسكينه جايه
تطلب فلوس

لأني انا شهريا اتصـــدق على الفقراء اللي في حي(...)و حالتهم

صعبه يكسرون الخاطر وخصوصا هالعايله اتعاطف معاهم كثيير لأن
طيبين ويدخلون القلب بسرعه....

وبعدين تدرين الواحد يأخذ الأجر والثواب عند رب العالمين

العمه\صح يـــا حنين؟؟؟؟

حنين شقولكم عن حالة حنين حالتها لا تسر لا عدو ولا صديق تمنت تصيح

بس اخنقتها العبره.....

تمنت الأرض تنشق وتبلعها....

تمنت ترجع بس اتحس ان الكون وقف معاها ماهي قادره لا تتحرك

ولاتمشي ولا ترد على سؤال عمتهااللي جرحها وقلل من شأنها....

بس اللي ذبحهازود ان يوم حسوا الحريم ان طال سكوت حنين

قربت العمه وخافت انها تنفضح فقررت انها تقضي على حنين كليا لأنها

تدري ان الكلام اللي قالته مش سهل خصوصا عند حنين اللي اهم شي

عندها عزة النفس فمسكت يدهاوحطت مبلغ محترم فيه واتصلت على

السواق علشان يوصلها البيت...........................

طبعا العمه متعمده تسوي هالحركه علشان تحرج حنين ولا تجي تطلب

فلوس مره ثانيه......

وكل هذا يصير وحنين تحس انها متخدره كليا ماتدري هي متخدره من
كلام عمتها ولا متخدره لأنها تحس انها في حلم ومش قادره تصحى
منه..
ماصحت من غفوتها الا لمن جات حرمه كبيره وقالت :خذي بعد هالفلوس

يمكن ماتكفي الفلوس اللي عندك...


رمت حنين الفلوس في الأرض وصرخت بأعلى صوتها لدرجه ان صدى
الصوت كان واضح جدا

حنين\اشوف فيك يوم يانوره على الظالم وترى دعوة المظلوم
مستجابه ...

وطلعت من المكان بسرعه وركبت سيارة عمتها لأنها كانت هي
مظطره تركبها


واول ماسكرت باب السياره

بكـــت وبكت علشان تفرغ الهم اللي في قلبها تحس انها منبوذه بسبب
الكلام اللي سمعته تحس انها مظلومه واللي ظلمها ابوها اللي جابها
لحد هنا وعمتها اللي اهانتها وجرحت كبريائها كرهت الدنيا وكرهت اللي
فيها

وماحست الا هي وصلت عند باب بيتهم فتحت باب السياره بس قبل ما
تطلع

نادهاالسواق اللي كان سعودي وقال لها بابتسامه خبيثه :أي مساعده
حنا حاضرين بس تكفين هالدموع مابي اشوفها على هالوجه السموح


خلاص الدنيا مافيها امان حتى السواق يفكرها لعبه ويبي يلعب عليها بكم
كلمه

حنين\ حقيرواللي خلاك تسوق هم حقير(طبعا تقصد عمتها حقيره لأن
هي راعية السياره والسواق سواقها)

ونزلت من السياره.......,

ومن بعد هالمعاناه اللي واجهتها تعلمت انها لازم تصير قويه لأن اذاتموا اهلها على هذا الحال بتدوس عليهم الدنيا من جميع النواحي ومش رحمتهم وبعد هذا صارت هي اللي مسئوله عن البيت لأنها ماتنتظر رجا من أحد ولا تبي نظرة شفقه من أي شخص مهما كان

))))الجزء الرابع((((

:انا جيــــــــت
عمر\لا و الأميره ديانا جايه على غفله وانا مدري

حنين\اي و صادق ياخوي متاخره وتبينا نرحب فيها

العنود\وش فيها لو رحبتوا فيني اصلا انتوا منقهرين من جمالي الذباح
دخلت ام حنين الصاله

ام حنين\ليش يالعنود تأخرتي قمنا نحاتيك

جات العنود وحبت راس امها

العنود\يمه حبيبتي انا كل مره أقولك ان كل يوم أحد عندنا نشاط حصتين بس انتي يهداك تنسين كثيير

ام حنين \طيب كان ذكرتيني عشان مااقعد احاتيك يسامحك
عمر وهو زعلان\ ايش عليك يالعنود لو انا متأخركان سوت لي امي
سالفه كبيره وين رحتوا و ايش سوتوا وليش تأخرت ومع مين جالس
وكيف جيت ؟؟ الى مالا نهايه………,

ام حنين\هذا جزاي ياولدي و اني اخاف عليكم حتى من الهواء اللي
تتنفسونه

العنود\ عاد خلاص يالغلا لاتزعلين منا لله يخليك لنا ياأروع وأغلى أم في
الدنيا

ام حنين\ويخليكم لي ياعيالي جعل عيني ماتبكيكم طول العمر انشاء
..


(على طاولة الطعام)

حنين بصوت جدي\يمه ابوي رجع امس؟؟؟

ارتسم الحزن على كل اللي القاعدين وبان عليهم القهر والألم والمأساه
اللي عايشينها من زمان بسبب هالأب الظالم اللي مايخاف من ربه
وتمنوا انهم ماسمعوا السؤال اللي انطرح…

ام حنين بألم\لا لسه مارجع

وتكلمت سمر اللي من اول ماجلست على الطاوله وهي ساكته

سمر\ليه ماما؟ بابا وين يروح كل يوم؟؟؟انا مااشوفه كثيير

سؤال بريء!ينبع من عيون طفله بريئه! اللي ماكانت تدري بالهموم اللي
صارت جزء من حياتهم……….. ايش تبون تقول ام حنين؟؟تبون تقول ان
من كثر مايبات زوجها بره البيت مايشوفنه الامرتين بالشهر هذا اذا جاء
بعد مايدري عن عياله ولا زوجته اللي لهم حقوق عليه؟ مايدري اذا هم
ميتين والا عايشين ... مايدري ان في رب يحاسبه على ذنوبه
وسيئاته.همه الاول والاخير نفسه وملذاته في
الدنيا

بس م يجي يأخذ فلوس من هالعايله الفقيره اللي ي ي يجمعون
اللي يقدرون عليه تالي الشهر عشان أغراضهم واحتياجاتهم الشخصيه
ويغطها بسهوله وبكل بساطه على هالخمر الملعون

مش حرام اللي يسويه فيهم ؟؟
الدنيا ظالمه وقاسيه عليهم مايدرون متى أخرمره عاشوا فيها بسلام

لازم يجي شي يكدر عليهم صفوا حياتهم

ام حنين تتكلم وهي تحس ان سكين ينطعن داخل صدرها\ حبيبتي

سموره بابا عنده شغل

سمر \هو كل يوم عنده شغل ؟؟؟

حنين بألم\ايه حبيبتي كل يوم عنده شغل

الجميع سكت ماعاد لهم نفس انهم يتكلمون في الموضوع ولا حتى في

مواضيع ثانيه يكفي هالكلام اللي سمعوه عشان ينكد عليهم اليوم كله

وبعد دقايق صمت:
عمر وهو يبي يغير الحزن اللي طغى على جو المكان\ايه صح سمعت
ان اليوم حبيب القلب بيجي مع أهله …

كانت العنود تاكل بس يوم سمعت ان حبيب القلب بيجي اليوم غصت
بالأكل(مسكينه)

العنو\كح كح كحكح كح

ام حنين بخوف\شفيك؟ بسم عليك الرحمن الرحيم شربي مااي

عمر\ اكيد لازم تغص وتشرق بعد لأنها اليوم بتشوف حبيب القلب!

ام حنين\ حبيب القلب!

مين حبيب القلب؟؟؟

العنود بخاطرها ويه اننكشفنا يأخذك ياعمر ياراعي المصايب
يأخذك

بس الحمد حنين رقعت السالفه وقالت

حنين\مين بعد يمه خالي عادل وعياله

ام حنين\ ذكرتيني يذكرك بالشهاده يارب
تراهم بيجون المغرب وبيتعشون عندنا

العنود\احم الحمد

ام حنين\وين حبيبتي ماكملتي غداك

عمر\ هي لازم تقوم أصلا علشان تستعد لحبيب القلب

العنود\ايه لازم اتعدل أذا ماتعدلت لـ خالي وحبيب قلبي عـــادل اتعدل لك
انت مثلا

ام حنين \ قولي امين

العنود\اميـن

ام حنين\انشاء يالعنود يابنت حصه اشوف ذاك اليوم اللي تتعدلين فيه
لزوجك

العنود\اميـــن

وعلى طول طلعت لغرفتها

عمر \و بنتكم يايمه لا فيها لا حياء ولامستحى انا اعرف البنات اذا

دعولهم عن هالأشياء يستحون مش يقولون اميــن مثل بنتك مسودة

الويه… هزلت و خلاص انا ماني متزوج اذاكانوا البنات مثل عنيد

حنين\ لا لا تخاف اللي بالي بالك بنات حشيم ويعرفون السنع

عمر في خاطره ادري من زمان ولا ماكان اهتميت فيها هالكثر

عمر\ ومين اللي في بالك ياعبقرية زمانك؟؟
حنين\ايه سو نفسك مؤدب وتغيبى علي تراني أختك وعارفتك عدل انا
مايخفى علي شي انت فاهم ؟؟

عمر\ فاهم بس بلا فضايح يخليك

ام حنين\ياحليلك ياولدي تحب وانا مدري مين هذه اللي سلبة عقلك؟

توك صغير على هالسوالف؟

حنين \اقول؟؟؟

عمر\ لالالالالاتقوليـــن

ام حنين\ليه؟انت من متى تخبي علي اسرارك؟ ليه ماتبين اعرف؟؟

قام عمرمن الكرسي ومشى لغرفته بس قبل مايطلع قال

عمر\لأني أستحي انا مش مثل بنتك الهبله
وطلع من الغرفه…..

الحمد لله والشكر هالأيام انعكست الايه البنت جريئه والولد يستحي….

دخلت العنود غرفتها وهي تحس بحراره في وجهها و أني قوية عين

كيف قلت لأمي هالكلام؟؟؟استغفر العظيم..

بس و مش ذنبي انا يوم سمعت ان حبيب القلب بيجي ارتبكت

ماعرفت ايش اسوي اطلعت مني الكلمه بعفويه بدون مقدمات...

ياويلي !!صج ماستحي على وجهي...

بس و ماني مصدقه (لافي )بيجي عندنا اليوم ياحظي وناسه...

شغلت المسجل على اغنيةعبد الكريم عبد القادر الحب لك وحدك

وقامت الحبيبه تنطنط فوق السريرمن الفرحه وتغني مع الاغنيه

من عيوني لو تطلب عيوني..
حبيبي وحبك في قلبي جنوني..
وعيون الناس تسأل ليه أحبك..
وأنا ماهمني لويسألوني..
(حبيب القلب) من غيرك يصوني..
ومن يفهم كلامك من عيونك..
تخيل تبتعد عني يا غالي..
حياتي مالها معنى بدونك..
وحبيب الروح ياحلو ابتسامتك..
وياماحلى الليالي في غرامك..
يشوفوني معك أسهر ليالي..
يغاروا من كلامي ومن كلامك

**بيت بو لافي**

:يمه ..يمه.. ريم .. وينكم؟؟؟

ريم :وشفيك يالأخو تصارخ؟؟

لافي\ يعني ماتدرين ليه أصارخ؟؟
ريم\ لا و!
لافي\حرام عليكم و تأخرنا على بيت عمتي وأنتوا تمشون على ثلج
وانا على نار

ياناس حسوا فيني عااد

ريم\اهــا الحين فهمت كل الصراخ وهالحشره لأن السالفه فيها بيت
عمتي؟؟

لافي\ ايه عندك مانع؟؟

ريم \لا عندي لافي يخليه لبعض الناس........

انا ابي اعرف شي واحد بس ممكن؟

لافي \تفضلي بس بسرعه

ريم\مادام انتوا تحبون بعض هالكثر ليه كل واحد فيكم يبين العكس
للثاني؟؟

في البدايه ابتسم لأخته لأنه تذكر المواقف اللي تصير له مع العنود بس
بعدين حاول انه يخفي هالأبتسامه ويبدلها بوجه عصبي لأنها أحرجته
بالسؤال اللي يعرف فيه الجواب


لافي\ياشيــن اللقافه انت على مين طالعه ياحبك لـهالسوالف لا واللي
يشوفك يحسبك شريفة مكه مالت على هالويه..صج مصخره صحيح بزر
وتبيني أعلمها على هالشغلات ياماما روحي خذي الرضاعه حقتك
وتركها لوحدها ومشى.
.
ريم\بل بل بل هذا أنا ماقلت له شي بس سؤال صغيرون يمه منه كلني
الأخ بثيابي.. (كل هذا ولا قالت شي)

بقولكم نبذه عن أفراد عايلة بولافي (عادل)

بولافي : الأخ الوحيد والصغير لأم حنين طيب وحنون على عيال أخته واي
شي يبونه يلبيه لهم على طول

أم لافي سعاد:تعلمت الطيبه من زوجها وتحب الخير والصلاح لعيالها

لافي \الولد الوحيد وعمره 23سنه يدرس في جامعة الملك فهد للبترول

والمعادن وهو أخر سنه ومعروف كثيير في الجامعه بسبب أسلوبه

ووسامته اللي تجذب الناس له ..

ريم\أخر العنقودعمرها17 سنه ثاني ثانوي

))))الجزء الخامس((((

لافي\اشوه عرفت اصرفها أوف منها ياأخي مدري هالأخت تستهبل

والا تتغيبى علي يعني ماتدري اني احب العنودمن زمان ودائما أتهاوش
معها علشان مابي الناس

يطلعون عليها كلام حتى لو كانوا هالناس أهلي وأعز البشر عندي
العنود اه يالعنود يا حب الطفوله و الصبا ياعمري اللي راح واللي
باقي وحشتيني وحشتيني كثيير احبك أحب كل شي فيك حتى طوالة
لسانك احبها وابيك أنت من بد الناس كلهم ماابي أحد غيرك بس
ياليتك تفهمين وتحسين فيني مش كل مره خناق وهواش كل واحد فينا
مايصدق على تطلع منه كلمه غلط أو زلة لسان ويروح يستقلها
علشان يقهر الثاني ويخليه يكره حياته وعيشته بس و عسل عسل
كلامها هالادميه على قلبي ياربي أحبها بس فيه سؤال يطرح نفسه
ياترى هي تحبني مثل ماأنا أحبها؟؟ والا تحبني كثير؟؟والا تحبني
شوي؟؟والاما تحبني خلقه؟؟

وبعد طول تفكير:

لا يكون هي تغايظني لأنها تكرهني وأنا الحبيب أفكرها تغايظني لأنها
تحبني

اوه و أني زهقت أفتر راسي من كثر ماأنا أفكر فيها وهي أصلا
ماتدري عن هوى داري صج ماعندي سالفه وغبي بعد لأني أفكر فيها .....

بس أيش أسوي و أحبها !!وأموووت فيها!!

أحسن لي أروح أستعجل امي بدال عوار الراس هذا

بخرت البيت وعطرته ونظفت الصاله والمجلس والغرف كلها أبي كل شي

مرتب وعدل وحلو سويت للعشاء السلطه اللي يحبها لافي
صح انها سلطه بس على الأقل شي يمدحوني فيه قدام لافي أما الأخت
حنين اللي كانت ماشاء عليها طباخه ماهره كل شي تكفلت فيه
حتى العصير هي اللي سوته يحليلها أختي ..يارب يوفقها بولد
الحلال اللي يسعدها ويمللي عليها دنيتها مسكينه و ماتستاهل
أختي كل شي فوق راسها

انا لواعد اللي تقدموا لخطبة أختي ماخلص من كثرهم كل واحد أحسن
وأحلى من الثاني ومناصبهم قويه بعد بس هي كل ترفضهم رفضا قاطع
لارجوع له .......

تدرون ليه؟؟ اه ياقلبي! لأنها تخاف اذا تزوجت ننشتت عقبها ولا أحد
يصرف علينا غيرها

صح أن أمي تبيع بضاعه خالي اللي يجيبها لها من الأمارات وهذا البضاعه
عباره عن دخون ودهن العود وحنا...يعني شغلات حريم

بس ولو هذه البضاعه ماتسد أحتياجاتناكلها بس الحمد مستوره و
كريم

بعدها راحت العنود تساعد أختها لأن امها تعبت شوي ولا قدرت تدخل
المطبخ حتى أذان المغرب بعدين راحت غرفتها علشان تتسبح وتغسل
شعرها من حمام الزيت اللي حطته على راسهاوبعد السبوح مابقى شي
في الكبت من الملابس ماطلعته لأنها الحبيبه محتاره وش تلبس البدله
السماويه والا البدله الورديه وبعدين استقرت على بدله روعه عباره عن
بلوزه بيضاء فيها ورود ورديه ناعمه جدا وتنوره جينز ورديه وطبعا شعرها
مايبيله استشوار بس نشفته عن الماي وحطت كحل على عيونها
ومرطب على شفايفها...

ي صج البنات ياخذون وقت في اللبس لازم يتكشخون ويتزينون
ويطلعون جمالهم اللي على قولت العنود الذباح............

مدري ليه أسال عليك وأنسى كل عمري وأجيك
مدري ليه تبكي عيوني كل ما أناظر اليك
اعترف أني هويتك وأني بعيوني فديتك
وأعترف لك ياحياتي غيرك أنت ما أبي

وأخيــرا وصلت العايله الكريمه بيت الخاله أم حنين ودخلوا الصاله
مباشره لأنهم متعودين على هذا الشي وبعد السلام

أم حنين\ حيا حرمة أخوي القاطعه اللي ماشفناها من زمان ..

ام لافي\ياهلا فيك حبيبتي.. و الشغل ماخذ وقتي وتدرين انت بعد
الشغاله راحت وتونا مقدمين على وحده ثانيه

أم حنين\ي معليش هالمره سماح بس المره الثانيه لا تعيدينها
وشلونك ياأخوي عساك بخير؟؟

بو لافي\الحمد بخير أنا دام أنت بخير..طمنينا عن أحوالك؟؟عساكم
مرتاحين ؟؟ محتاجين شي؟؟

أم حنين\لا ياخوي و ماتقصر مستوره والحمد لله..شخباركم عيالي
انشاء بخير؟؟؟

طبعا ريم هي اللي جاوبت لأن لافي كان سرحان ومشغول باله على
العنود اللي ماطلعت من الغرفه بس مسكينه هي ماتدري أنهم جاوا
لأنها جالسه تفكر بأحلامها الورديه ولاحنين لأنها كانت تتسبح
ريم بصوت واطي علشان ماحد يسمعها\لافي لافي لافي .....

ياربي توهقت مايسمع شكله سرحان ...مافي الا اني اضربه على ظهره
يمكن يحس أوف بلشه وفعلا ضربته على ظهره وأخيرا حس الأخ

لافي\شفيك تضربين عمى بشكلك عورتيني!!

ريم\أحسن تستاهل لأني أنادي عليك من زمان بس أنت ماتحس

عمتي تسأل عنك وأنت في وادي وأحنا في وادي ثاني!!

أكيد تفكر في الحبيبه اللي في الغرفه؟؟

لافي \اه ياريم اشفيها مادخلت تسلم علينا ؟؟وين أول اذا درت أن حنا

بنجي تتصنم عند مدخل البيت!!!أكيد فيها شي!!

ريم تكفين أسألي خالتي عن البنات؟؟

ريم\ماابي

لافي\تكفيــن

ريم\ماابـي ماابـي ماابـي

لافي\واللي يسلمك حبيبتي ريم أوديك أي مكان تبينه بس تكفين
سأليها..

ريم\زين زيـن ذبحتنا

لافي\عفيه على الشاطره

ريم\صج أنك بياع حكي..ياشين المصالح

أقول عمتي؟

أم حنين\ها بنتي امري

ريم\وين البنات مااسمع لهم حس؟؟
ام حنين\و حنين تتسبح والعنودجالسه في غرفتها الحين بتجي

لافي بصوت واطي\طيـب طيـب يالعنود انا هنيه جالس أحاتيك ونار
الشوق ذابحتني وأنت جالسة في الغرفه مدري شتسوين هين و لـ
راويك

الشرهه مو عليك علي أنا اللي أحاتيك

أم حنين\سمر روحي استعجلي لـخواتك قولي لهم خالك وعياله وصلوا

سمر\طيب ماما

راحت سمرلـ غرفة خواتها وطقت عليهم الباب

(في غرفة البنات)

سمر\العنود حنين فتحوا الباب

راحت حنين تفتح الباب

حنين\شفيك حبيبتي؟

سمر\ماما تقول لكم خالي عادل وصل

العنود\حلفــي

سمر\و العظيم

العنود\من متى وصلوا

سمر \من زمان

ياويلي من فتره واصلين وأنا الغبيه منحبسه في غرفتي يعيني على
ريم بتذبحني ويعيني على لافي

حنين\ي منتي بطالعه عشان تسلمين عليهم ترى تأخرنا عليهم؟؟

العنود\طيب بجي أسبقيني وأنا بلحقك

حنين\أوكـي

طلعت حنين من الغرفه وبعدها على طول العنود وسبقتها بعد لأنها
ماقدرت تجلس أكثر من كذه مشتاقه له كثيير

لافي\أخيرا شرفت ست الحسن والجمال......................... و أني
تولهت عليها الحماره

ياربي بمـووت الوردي عليها جنـان

بس بجننها السخيفه مثل ماجننتني

لافي\هـلا واللـه وغـلا ببنت خالتي

طبعا الخبله العنود تفكر ان الترحيب موجه لها بس الحقيقه أن لحنين
اللي كانت وراها

العنود بحياء وهي منزله راسها\هـ ـلا فـ يـ ك
لافي بسخريه\أحد كلـمك أنـتي؟؟؟؟
قويـه كلمته الصراحه فشلهـا وفي نفس الوقت أحرجها تحس أن وجهها
مغطوط وتبي تلقطه

بس على مين تتقوى يا لافي على العنود اللي تحبها وتمووت فيها تراك
تخدع نفسك قبل ماتخدعها لأن نظرات الشوق والوله واضحه جدا في
عيونك اللي فاضحتك

رفعت العنود راسها وقامت تطالع لافي بنظرات ناريه وقالت\مشكـور
وماقصرت ياولد الخال يجي منك أكثر..

بولافي\افا ماعاش مين يزعل دلوعتي العنود..

ماعليكم منه هالولد مب صاحي اليوم المهم أنتوا شعلومكم وشخباركم
يابناتي؟؟

العنود وحنين\الحمد ياخالي أحنا بخير وصحه وسلامه

أما لافي فكان ميت قهرلأن أبوه دافع عن العنود وفشله قدامها وطبعا
هذه النقطه بصالح العنود..اللي كانت فرحانه كثيير بسبب فشيلة لافي
لكن في النفس الوقت الأثنين مشاعرهم متضاربه :

مايدرون هل يفرحون عشان أنهم ماشفوا بعض من زمان.......... والا
ينقهرون لأن كل واحد قدر يقهر الثاني بطريقته الخاصه....

والا يضحكون على نفسهم لأنهم ماتوقعوا أبدا أن تكون الزياره بهذه
الصوره......

بس أهم شي كان عند هالثنائي الغبي أنهم شافوا بعض وطفى لهيب
الشوق اللي كان بقلبهم حتى لو كانت المقابله بدت بالخناق والهواش
اللي صار شي أساسي عند ألأثنين........................

وبعدها أذن أذان العشاء وقاموا الشباب يصلون في المسجد القريب من
البيت..

والحمد لله كان طلوع الشباب للصلاه قدر يهدي الوضع بين العنود ولافي
وخذت العنود ريم لغرفتها بزعم أنهم يصلون لكن السبب الرئيسي كان
شي ثاني

(غرفة البنات)

العنود\ياربي و لأذبح أخوك شفتيه كيف يبي يستفزني بتصرفاته
كأني ماكله حلاله...

ريم\أوهوووا عليكم شتبين يعني أسويلكم كل واحد يبي يبين
للثاني أن هو الأقوى والأحسن علشان مايطيح قناع الحب اللي في
وجيهكم...

العنودتقول بخاطرها(ول عليها صج جنيه هالبنت كيف قدرت تقراء
أفكاري و ينخاف منها)

العنود\ومين قالك أني أحبه أصلا أنا أكرهه مدري ليه كل مايشوفني كأنه
شايف الشيطان بوجهه يحاول قد مايقدر أنه يذبحني ويحطمني
بكلامه.......

ريم\ايه ايه تكريهينه واضــح
اصلا ياحبيتي أنت شفتي كيف كان شكل وجهك يوم جيتي تسلمين علينا
كان مره أحمر ةيبن علي الوله والشوق والحنين
العنودبخاطرها( يقطع بليس هالبنت كل شي تدقق فيه حتى في
صغائر الأمور بس و أنها صادقه انا مو بس أحبه أن أتنفس هواه بس
ياليته يدري)

العنود\أقول بس فكينا واللي يرحم والديك وعن هالكلام الماصخ خلينا
نطلع الصاله أكيد جـاو من الصلاه

ريم \لا وتقول أنامااحبه علينا هالكلام ؟؟

العنود\ياربي أنا اذا جلست معاك أكثر من كذه بستخف وأنا في عز
شبابي ي أمشي جدامي....

طلعت من المسجد وانا شوي مرتاح ماأقول أني مرتاح راحه كليه بس
على الأقل أحسن من لاشيء بعدها دق جوالي وكان المتصل صديق
عمري فهد كأنه حاس فيني و

فهد\مرحبـا
لافي\.......
فهد\لافي
لافي\...................

فهد بخوف\الو لافي لافي وينك؟؟ليش ماترد
لافي\.......
لافي\أحبـها أحبـها يافهد

فهد معصب\حبتك القراده انشاء يااخي خرعتني فكرت صار لك شي
مالت عليك

لافي وهو مصدوم\هذا جزاني يافهد أقولك كل أسراري الشخصيه و
أن ماأحد حاس فيني غير قلبي اللي يشتكي من الفرقا مع السلامه
وسكر الخط في وجهه.....

فهد\ياربي انا ايش سويت أكيد زعل مني !!خليني أدق عليه
وكان لافي حاط نغمة جواله أغنية أريده لـحسن عبد
أريده أريـده أريـده أحبس الأنفاس والأشواق فيني وأستحي من قلبي أن
كثر سؤاله أخنق الاهات وأصبر حنيني ياحبيـب الروح قرب تعالا...

لافي\الــو

فهد\أعذرني ياخوك و ماكان قصدي أضايقك أوأزعلك

لافي\لا عادي بس أنا مضايق شوي

فهد\طيب قولي شسالفه؟؟يمكن أقدر أساعدك؟؟

وقاله لافي له السالفه كلها...
فهد\ها ها هاها ها ها ها ها ها
لافي\ ليش تضحك ماأتوقع أني قلت نكته علشان تضحك يالمـاصخ

فهد\و أنتوا الأثنين أكبر نكته في العالم ياأخي بين لها انك تحبها أو
على الأقل مشتاق مو على طول تفشلها

لافي\زين حتى هي فشلتني

فهد\معذوره أنها تفشلك أجل تبيها تسكت لك
أقول بس أدخل البيت وكلمها وحاول أنك تبين لها أنك مهتم فيها
ولاتقول لي ليه هي ماتبين؟؟؟ أنت الرجال وهي الحرمه صح؟؟

لافي\صح ..أوكي مشكور حبيبي تعبتك معاي
فهد\لاعادي تعال كل يوم

لافي \أقول بس ضف وجهك عطيتك وجهه زياده عن اللزوم
وقفل السماعه في وجهه

فهد\شف السخيف قفل السماعه في وجهي مره ثانيه
أروايك في الجامعه وين بتروح مني...

عذبتني في أسباب فرقاك
ظالم وأنا في الحب مظلوم
قلبي جبرني أمشي وياك
وش حيليتي والقلب مغروم


(بيت بو متعب)

هيفاء\متعب متعب ي قوم بسك نوم

متعب\..................لاجواب

هيفاء\متعــب

متعب\هاه شفيك ياهيفاء

هيفاء\مين قال أن اليوم بروح السوق

متعب\اوه و نسيت حبيبتي الحين بأخذ شاور وبنروح السوق أوكـي....

هيفاء\أوكي

تركت هيفاء متعب وطلعت للصاله

يخليك لنا يامتعب ولا يحرمنا منك يارب

متعب هذا يسلمكم بطل من أبطال القصه

شاب خلوق طموح رومانسي جدا عمره 27 سنه يحب الخير لأهله

خصوصالخواته وأمه جميل جدا بنات العايله يحبونه كثيير متخرج من

جامعة الملك سعود اللي في الرياض تخصص طب عام عنده

أخو اسمه فهد وعمره 23 سنه وهو صديق لافي الروح بالروح يدرس في

جامعة الملك فهد للبترول والمعادن تخصص هندسه كهربائيه و

أخت اسمهاروابي متزوجه من واحد يقرب لهم من بعيد اسمه نايف

عندها ولدين تؤام اسمهم عمار وياسرأعمارهم 5سنوات

وأخت ثانيه أسمها هيفاء تدرس في جامعة الملك فيصل تخصص حاسب
الي

( وأم متعب تصير خالة أم حنين)

(بيت بو حنين)

ريم\ياربي وينها هالخبله أختفت مش موجوده لا في الصاله ولا في
المطبخ خليني أروح المجلس يمكن أشوفها وتوها بتفتح باب المجلس الا
يجي عمر ويخبطها على الباب وتطيح على الأرض

ريم\وعمى انشاء ماتشوف قبل ما...... وسكتت

لحظة صمت.......................................... ..... ....

ريم وهي ميته احراج\أوه اسفه عمر ماكنت أدري أنك أنت اللي فتحت
الباب

عمر\ لا انا اللي اسف لأني ضربتك بس و ماأقصد

ريم\لا مالا داعي أنك تتأسف

عمر\له داعي

ريم\لا مالاداعي

عمر\تدرين؟؟؟؟؟؟؟؟

ريم\ايش

عمر\لا ولاشي

ريم بدلع\عمر عاااد

عمر فيه الضحكه بس ماسكها

عمر\ماتزعلين اذا قلت لك

ريم\لا ماأزعل ي قول

عمر\ أكيد

ريم\أكيدين

عمر\روحي شوفي وجهك بالمنظره
وطلع عنها وراح الصاله

أما هي على طول راحت للمنظره اللي كانت جنب حمام المجلس

ريم بخوف\يمـه بسم الرحمن الرحيم شكلي يخرع بها الفلعه اللي

على جبهتي ياربي انا الغبيه الحمد لله والشكر امشي ولا اشوف اللي
قدامي الحين كيف أروح الصاله أكيد بيضحكون علي

(الصـاله )

كانت الأجواء في الصاله متوتره شوي
لافي ساعه يطالع العنود بنظرات حيره وشكوك وساعه يطالعها بنظرات
شوق ووله

أما العنود ماتدري شتسوي ودها تكلم لافي بس ماتدري كيف تبدىء
أما عمر فينتظر ريم تدخل الصاله مايدري ليه يمكن علشان يضحك على
الفلعه اللي في جبهتها ويمكن علشان يبي يسمع سوالفها اللي
ماتخلص دائما يقول في نفسه غريبه هالبنت أحسها أنها غامضه وفي
نفس الوقت تعرف أسرار الناس اللي حولها
أما الكبار جالسين يسولفون ولا يدرون عن السوالف اللي تصير من وراهم
فحبت حنين تكسر الجو اللي كان مخيم على المكان

حنين\أقول لافي كم بقى لك سنه وتخلص الجامعه ؟؟

لافي\خلاص انشاء هذه اخر سنه وارتاح من هم الجامعه

حنين\ يوفقك انشاء ويرزقك ببنت الحلال اللي تسعدك

لافي بصوت عالي وكان يطالع العنود\امـين يارب العالمين

العنودبخاطرها ياربي بمووت واضح أنه يقصدني ونزلت راسها على
طول من كثر الحياء

لافي بخاطره الحمد أكيد انتبهت أني أقصدها ياوناستـي مشكوره
ياحنين مشكوره كثيير لولا ثم سؤالك كان لحد الحين الجو متوتر

أم لافي \ويه بسم عليك يابنتي مين اللي خبطك على جبهتك؟؟

عمر توتر وخاف أنه يتفشل قدام أهل ريم

ريم \لا عادي يمه أنا كنت مسرعه وخبطت بالباب

العنود\عميه ماتشوفين

عمرماغيرك العميه يالعنود هذا اللي ناقص تسب ريم

أم حنين\ي يابنات خلونا نحط العشاء وقاموالبنات يحطون العشاء

(مجمع الراشد)
متعب\ي عاد و زهقت من كثر من لف وندور ولحد الحين ماعجبك
شي ماأصدق


هيفاء\لا و أنا لازم أدخل المحلات كلها وشف البضاعات اللي نازله
بعدين أفكر أني اشتري

متعب \ياويلي يعني الحين بلف المحلات كلها حرام عليك

هيفاء\متعب عااد خلاص أن قلت ندخل المحلات كلها يعني ندخلها
اوكيك؟؟

متعب\طيب ي أمشي ندخل هذا المحل أنا بشتري لي بعض البدل
منها وألا بعد ماتبين تدخلين

هيفاء \اممممم أفكر!! لا لا و أمزح ي ندخل

دخلوا المحل ومابقى شي المحل الا شراه متعب طالع على أخته

هيفاء\وأنا أقول على مين طالعه تراني طالعه عليك ياأخوي

متعب\أقول بس عن الكلام الزايد وشفي لي هذه التيشيرت حلو ؟؟

هيفاء\ جنان عليك بس أنا أقول لوتأخذ الأسود أحلى

متعب \طيب ي خليني أحاسب للكاشير

وطلعوابعدهاو راحوا ستار بكس يشربون لهم كافي موكا...
هيفاء\متعب ممكن اسأل سؤال؟؟
متعب\سألي

هيفاء\أنت ليه ماتبي تتزوج عمرك صار 27 سنه وماشاء منصبك حلو
ومش ناقصك أي شي!!!

متعب\تبين تعرفين وش ناقصني؟؟

هيفاء\أكيـد

متعب\ناقصني هذا وأشر على قلبه ودي أتزوج بنت ولا كل البنات أبيها
غير عن اللي البنات أعرفهم أبي أنا اللي أمشي وراها وأقول لها أحبك
مأابي هي اللي تجيني عشان مظهري الخارجي ...

ابي اذا شفتها أنسى الدنيا ومافيها
أبيها اذا مشت يوقف الكون كله علشانها
أبيها تريحني من هموم الدنيا وأنا أشيل عنها همومها فوق ظهري

أبي وحده تستاهل أنها تكون حرم متعب عبد الـ(...)

أبي ذوق وحشمه وأخلاق وجمال وأسلوب وشخصيه
تتوقعين أن في وحده بهالمواصفات؟؟اذا في دليني عليها وأنا على طول
أتزوجها..

هيفاء\الصراحه ياأخوي ماعندي وحده تحمل كل المواصفات اللي تبغيها
وأصلا مستحيل تلقى كل هالمواصفات لأنها صارت نادره بين البنات

متعب\صدقيني بيجي يوم وبلقاها !!

هيفاء\طيب ي خلينا ندخل المحلات اللي مادخلناها عشان مانتأخر
على البيت

(بيت بو حنين)
على طاولة الطعام

ريم\ماشاء عليكم يابنات خالتي أكلكم يجنن

لافي\خصوصا السلطه تسلم أيد اللي سواها

حنين\واللي سواهاالعنود

لافي بخاطره أدري ياقلبي يالعنود

بو لافي\يعلها سفره دايمه

أم حنين\بوجودكم انشاء

وبعد ماتعشوا جلسوا يسولفون شوي حتى الساعه 12 بالليل بعدها
راحوا بيتهم

بس تتوقعون وش علاقة متعب بالقصه؟؟

وهل بترجع المياه لمجاريها عند لافي والعنو

الجزء السادس

:صبـاح الفل والنرجس والياسمين على أغلى أم بالدنيا

أم متعب\هلا و بضناي حبيب أمه و

متعب\شلونك يمه عساك مرتاحه؟؟

أم متعب\مرتاحه يابعد قلبي و

وبعد هالكلمه نزل فهد مع هيفاء ودخلوا الصاله

فهد\بـس من صباح خير غزل ودلع وحنا حتى ابتسامه على الوجه

مافي و ماحد فقير في هالعايله غيري أنا وهيفاء .. صح هيفاء؟؟

هيفاء\أي و وانت الصادق ياأخوي أمي تمووت في شي أسمه متعب

وحنا ياغافلين لكم عيال الجيران أمش أمش بس نروح الجامعه

شكلها الوالده نستنا خير شر من أول مارجع متعب من الرياض وخذ

الدكتوراه وهي معطتنا طاف........

متعب\حشــى وقسم ب أتوقع انك بالعه راديوا على الصبح أصبحنا

وأصبح الملك لله...

هيفاء\ قل أعوذبرب الفلق من شر ماحسد........

بسم علي لا يجيني شي الحين
متعب\ أصلا أنا عيني بارده صح يمه؟؟؟؟؟

أم متعب\ أكيد ياولدي ي عااد كملي فطورك .علشان ماتأخرين أخوك

عن الجامعه.........

فهد\ أيه و تأخرت على الجامعه الحين بيذبحني لافي ي بسرعه

أنت مش لازم تفطرين........

هيفاء \حرام عليك توني حتى ماقلت بسم

فهد\و ماأحد قالك تهذرين من صباح خير لك 5دقايق بس بعدها

أن ماطلعتي بروح عنك فهمتي؟؟؟؟؟؟؟؟

هيفاء\فهمت فكنا عااد رح شغل سياراتك بتخلص الخمس دقايق




(مدرسة البنات الثانويه الثانيه بالخبر)

العنود\هنـد هنـد اسمعي

هند\شفـيك تتكلمين كذه كأنك بتسوين جريمه؟؟

العنود بخبث\اشرايك نجنن أبلة الأنجليزي ونستعبط عليها ؟؟

هند\ليه شعندك اليوم فرحانه والمزاج رايق؟؟

العنود\الصراحه مدري شقولك أنا اليوم فيني خبال وأبي أطلعه على أحد
ومالقيت غير أبلة الأنجليزي العصبيه

هند\ أقـول لا تغيرين الموضوع وقولي أيش فيك تراني صديقتك عشرة

عمر 9سنين أوكــي

العنود\طيب الحين هي بتجي بعدين بقولك المهم اسمعي أول ماتدخل

الأبله هي طبعا بتقول good moring girlsوحنـا بنقول ايش؟؟

هند\good moring teacherبنقول (مستانسه الأ خت اللي

يشوفها يقول استكشفت نظريه والامخترعه الذره)

العنود\لايافالحه وأنا اللي فكرت بتفهميني على طول أمحق عشرة

عمر!!

هند\أجل وش تبيني أقول ؟؟؟

العنود\شوفي أول ماتدخل وتسلم نقوم نوقف ونقول وعليكم السلام

ورحمة وبركاته شرفتينا ونورتينا يا أبله نوره أنت العسل وأحنا

البصل أنت البخور وأحنا العطور....أوكـي عنوني

هند\هـاهـاهـاهـاهـا و أن عليك أفكار جهنميه الصراحه أنت كذه

يبيلك تأخذين جائزة الأوسكار

العنود\أقـول بلا تطنز تراني ماأمزح ي ي

هذه جات

وفعلا دخلت أبلة الأنجليزي وقامت هند المسكينه الـ وحدها على

أساس

أنها مصدقه أن العنود بتقوم معها لكن الأخت العنود غدرت فيها

وهند كلت تهزيء مب صـاحي من أبله نوره.....................وهي

ميته قهروتتوعد للـ عنودبعد الحصه أنها بتذبحها....



(جامعة الملك فهد للبترول والمعادن)

لافي\يالسخيف شفيك تأخرت علي من زمان وأنا واقف بره أنتظرك

والشمس ذابحتني؟؟

فهد\أقـول بس أسكت تراني مانسيت اللي سويته أمس؟؟

لافي منحرج وهو يتذكر السالفه\وش سويت ؟؟ماأذكر أني سويت لك

شي؟؟؟

فهد\ايه سو نفسك غبي وماتذكر شي بس أنا بجاريك في الغباء وبذكرك

:تذكر أمس يوم سكرت السماعه في وجهي مرتين

المره الأولى قلت ي سمّاح هالمره الولد مرتبك ولا يدري باللي حوله

والمره الثانيه مسكت أعصابي بس ياويلك أن ثلثتها فاهم؟؟؟

لافي\ الأخ حاقد وأنا مدري !!أفا عليك ياخوي لا تزعل مني تراني

شوي متهور بس أعجبك والا ماكان استمريت في صداقتي هالسنين

كلها..

فهد\ يالوثــوق أقول بس خليني نمشي تأخرنا على المحاظره

ودخلوا القاعه وحصلوا لهم كم تهزيئه محترمه من الدكتور على

التأخير (يستاهلون ماأحد قالهم يطقون سوالف ويتأخرون)



(غرفة حنين)

جالسه لحالي حزينه..كئيبه..ضايعه..تايهه..ماأعرف وش تحمل لنا

الأيام بكره؟؟

هل بنعيش بسعاده وأمـان وأمـل للأيام الجايه؟؟

والابتخيم علينا غيمة الحزن والخوف اللي تعودنا عليها وصارت شي

طبيعي بالنسبه لنا!!!




يمكن نضحك..نفرح..نتكلم..نسمع..نبكي..



بس مستحيل مستـحيل يتغير الواقـع اللي انكتب لنا.........



طلعت من غرفتي وشفت أمي جالسه تتكلم بالتيلفون وفي وجهها أحلى

ابتسامه استـغربت كل الهم اللي كان في قلـبي انزاح بسبب هذه

الأبتسامه!!!

اّأأّه ياأمي ياللي حنانك مابعده حنان أنت الدنيا والقلب والروح..

يعل هالأبتسامه دايمه ياربـي......


سكرت أم حنين السماعه وشافت حنين واقفه وسرحانه

أم حنين\حنين!!من متى أنتي هنيه؟

حنين\من شوي...يمه مين كنت تكلمين؟؟

أم حنين\هذه خالتي فاطمه (أم متعب)

حنين\خالتي فاطمه!! شخبارها من زمان عنها....

أم حنين\الحمد لله بخير وتسلم عليكم بعد

حنين\ يسلمها من كل شر..

أم حنين\بكره عازمتنا على العشاء عشان كذه هي متصله..

حنين\شفي الناس كله عندهم عزايم من قبل كم يوم عمي عزمنا والحين

خالتك عازمتك..بتروحين؟؟

أم حنين\قولي بنروح لأنكم بتروحون معي كلكم

حنين\لا يمه ماني برايحه مالي خلق لـعزايم ووجع راس..

أم حنين\لين متى ياحنين؟؟ ليم متى بتمين منعزله عن العالم و الناس

لين متى بتمين وحيده؟؟ خلاص يايمه خلينا ننسى الهم والحزن اللي

بعيونا ..خلينا نعيش..خلينا نعيش يومنا ولا نتحرى وش بيصير باكر
..
العمـر مـره والموت مره والحياه مره وحده..

انسي حبيبتي كل اللي صار ولاتقعدين تفكرين كثيير وخليها على

....





حنين وهي تصيح\أنســـى!!!!!!







كلمه سهله سهل قولها على اللسان بـس بس ..صعـب صعب أن

حنا نطبقها.......

..تدرين ليه يمه أنا بالذات صعب أنسى؟؟

أنا بقولك ليه؟؟ عشان يمكن انك نسيتي أو تناسيتي..لكن أنا مستحيل

أنسى الجرح اللي انفتح من سنيـن مستحيل أنسى الجرح اللي انفتح

من أول ماوعيت على هالدنيا وعرفت الصح والخطأ..وشفت قسوة

ومرارة الدنيا علينا لا رحمتنا ولا خلتنا نتهنا عشنا في غربه وحنا في

وطنا كانت ظالمه ظالمه علي وعليك وعلى أخواني اللي تيتموا وهم

صغار أصلا ماكان عندهم أبوا ولا راح يصير ........



يكفي أن عندهم أم وحده تدفيهم من البرد اذا أعلنت الأيام رياحها

وعواصفها وتكسيهم من حنانها وحبها اذا كانوا محتاجين للدفا

وتضمهم لصدرها اذا كانوا فاقدين الأمان والراحه

يكفي أم وحده يكفي..

وعلى طول راحت حنين لـ حضن أمها لأنها كانت محتاجه للأمان اللي

يعوضها من الحرمان اللي عاشته..

.

. "ضـيـاع"

طرقت باب أمسي
كي أرتمي في أحظان الذكريات
..أستقي منها بذوري الهامي
..وأراوي بين طياتها أوهامي..
أشتم فيها عبير زهور أحلامي..
المبلله بدموعي أحزاني..
..ذكرياتي التي ذبلت فيها أنغامي..
...واضمحلت فيها أحلامي..
..أشارف معها على دخول باب النسيان....
بلا أمـل
بلا قـلـب
غـريـبـه
تـائـهـه
.. أضـعـت عـنـوانـي
.. لـكـني ودعـت أحـزانـي
.. فـجـرت بـركـانـي........
..شـدوت بـاأنـغـامـي..
.. ورددت ألـحـانـي...
!!وزرعت الأزهـار فـي أرض افـراحـي...............


(بيت بو متعب)

\وأخيـرا مابغيتي تجين من الجامعه ؟؟

هيفاء\ روابـي هلا و بأختي حبيبتي وراحت سلمت على أختها

شلونك وشخبارك؟؟وش مسويه ؟؟وشلون عمار وياسر ؟؟ وكيف حال

زوجك؟؟والرياض وأهل الرياض؟؟

روابي\ بس كلتيني كل هالأسئله تبيني أجاوب عليها في وقت واحد

مايصير شوي شوي خلينا نبدء

لوني ابيض

وأخباري زينه

وش مسويه ماسويت شي

وعمار وياسر طيبين

حال زوجي بخير

والرياض وأهل الرياض يسلمون عليك

هيفاء\ مالت عليك تطنزين حضرتك..هذا جزاني اني ولهانه عليك

خلاص لاتكلميني الا بعد ماأنا أكلمك أوكـي؟؟

وبعد خمس دقايق

هيفاء\وش فيك ماتتكلمين؟؟أنخرستي؟؟

روابي\و ياحبيبتي أنا أطيع شورك أنت قلتي لا تتكلمين لمن أنا أتكلم

هيفاء\ياربي على المطيع أنا ماأقدر على الأدب

روابي\أكيد ماتقدرين حبيبتي أنا غير .......

هيفاء\أقول حقوق الطبع محفوظه فقط لـ جده غير لاتصيرين حراميه

روابي بظحكة اسخفاف \ها ها ها و انك بايخه

هيفاء\وأنت أبيخ

:لا خلاص أنا اللي بايخ

روابي\متــــعــب

متعب\هلا و بروابي وأنا قول شفي الشرقيه منوره......

روابي\منوره بوجودك حبيبي..شخبارك ياأخوي؟؟؟

متعب\الحمدلله بخير وعافيه أجل وين حبايبي عمار وياسر؟؟؟

روابي\حبايبك فوق يلعبون بلاي ستيشن في غرفة فهد

متعب\أوكـي بروح أبدل ملابسي وأجيكم لا تتخانقون طيب بابا؟؟

هيفاء\طيب بابا بس لاتنسى تجيب لي حلاوه

متعب\انشاء بس أنت لا تصيحين طيب

هيفاء\طيب

روابي\الحمدلله والشكر صج بزره

هيفاء\تكفين يالكبيره!!!!!!!

طلع متعب الطابق الفوقي وتوه بيدخل غرفته الا يسمع صوت من غرفة

فهد على طول مشى ودخل الغرفه وفتح الباب بقوه

متعب\وش تسون حبايبي؟؟

عمار+ياسر\خالـي متـعـب

وفتح ذراعه متعب عشان يجونه على طول طاروا بحضنه

متعب\شلونكم ياعيون عمكم و؟؟

عمار\الحمد لله بخيـ

ويقاطعه ياسر\أنت مين قالك تتكلم خالي كلمني أنا

عمار\لا كلمني أنا

ياسر\ لا أنا

متعب\ي أن أفتك مين اللي تحت يجوني هذيلا .................

بــس تبون تروحون البقاله؟

عمار+ياسر\أيوه

متعب\طيب لاتصرخون بروح أبدل ملابسي وأجي أوكــي؟؟

عمار+ياسر\أوكـي



(بيت بو حنين)


العنود\الـو

العنود\الو منو؟؟على الخط؟؟

العنود\الــــو

العنود\ناس ماتستحي على وجهها وتصك السماعه بكل قوتها

عمر\منو على التليفون؟؟

العنود\مدري الصراحه ماسألته.......

يعني ماتشوفني جالسه ساعه على التليفون ولا أحد يرد!!!

غبي......

عمر\ول عليك مايسوى علي أني قلت منو على التليفون كلتيني...

بروح أخمد احسن لي من مقابل هالوجهه

العنود\من حلاة وجهك عااد الحين توم كروز على غفله رووح نام

احسن...


وشوي ويرن التليفون مره ثانيه

العنود\الو ماتـرد !! صج اذا قالو الفاضي يعمل قاضي

وتوها بتسكر الا تسمع صـوت ماخلاها تنام الليل

صوت(حبيب القلب) لافي

لافي بكل حب وبكل وله وبكل شوق\الـومـرحبا العنود.........



العنود بااحراج فظيع\.................هلا هلا لافي

يا حلو أسمي بصوتها كأنه نغمه موسيقيه

لافي\شخبارك؟؟

العنود\الحمد لله.............وأنت شخبارك؟؟؟

لافي\انا بخير دام أنت بخير يالعنود

لحظة صمت.........



لافي\العنـود!!

العنود البنت ذايبه\همممم

لافي كان وده يقول وحشتيني بس ماقدر يقولها الا بشكل غير مباشر

لافي\.........وحشتيني وحشتني ضرايبك وخناقك من يوم حنا صغار

طبعا العنود فهمت وش كان وده يقول بس ماقدرت تقول أي شي

لافي\العنـود!!وينـك!!أنت معي على الخط؟؟



العنود بصوت واطي\ايه معك بس

لافي\طيب ليه ماتردين؟؟

العنود\..........................لأن أحس أنه في أحد بيدخل الصاله

لافي\أوكـي طيب تامرين على شي قبل ماأسكر

العنود\لا ............... سلامتك

لافي\طيب ديري بالك على أهلك..........ووونفسك

العنود\طيب مع السلامه لافي

لافي\في حفظ

لا لا أنا في حلم ولا في علم لافي كلمني بالتليفون وأنا اللي رديت عليه
يـاي مين قـدي ...بروح أقول لـ هند أكيد بتفرح علشاني.....

لافي يكلم نفسه:

معقــوله كيف جتني الجرئه وكلمت العنود!!

قويه الصراحه في حقي وحقها .......

(زين أنك أعترفت)

يدي هي اللي ضربت رقم تليفونهم...

(لاتحاول يالافي التهمه لابستك......)

بس و ماني بقادر أمسك نفسي .....

(ماأحد قالك كلمها)


وماني بقادر أتحكم بعصابي ........

(ماأحدضربك على أيدك وقالك حبها)


ياويـلي يالعنـود وش سوى فينـي حبـك!!

(تستاهل...).............................(مجنون يكلم نفسه الحمد لله والشكر لا يبلانا بالحــب)


ياللي ملكت القلب والقلب يهواك
خلنا نعيش الحب باحساس روحين.
تبقى معايا دوم وابقى لدنياك
حتى ولو هاالناس قلي مجانين.
الحب ما هو بقول اهواني وبهواك
الحب لو ضحيت ما تكفي قلبين.
الحب بحر الشوق قاعه سجاياك
واللي خلق هالشوق يخلقه بحرين.

(كلمات اهات ودموع)
(بيت بومتعب)

الصاله

أم متعب\ياعيالي تراني عزمت عيال أختي بكره على العشاء

هيفاء\و وناسه يعني بشوف بكره حنين والعنود وبسولف معاهم

فهد\هذا اللي فالحين فيه سوالف وخرابيط مالها داعي...........

هيفاء\أقول بس أسكت شوفوا مين يتكلم ..........مدري مين اللي

يجلس24ساعه مع صديق العمر لافي........

فهد\منقـهره

هيفاء\على أيش أنقهر ياحسره!!!!!!


روابي\زين و أني جيت من الرياض وألا كنت بمووت غيظ على

شوفة حنين........

هيفاء\ايه على طاري حنين هي لحد الحين تدرس دروس خصوصيه؟؟؟

أم متعب\أيه لحد الحين و كاسره خاطري هالبنت ماأحد قايم بالبيت

الا هي...................




متعب\يمه محتاجه شي أجيبلك اياه من بره علشان العزيمه

أم متعب\لا حبيبي ماتقصر كل شي موجود.........

متعب\أوكي أن بروح الحين عندي دوام العصر تامرون على شي؟

الجميع \سلامتـك

ريم\أقول العنود وش بتلبسين بكره؟؟

العنود\و مدري بس اتوقع أني ألبس بدله لونها أحمر ..وأنت وش

بتلبسين؟

ريم\و لحد الحين محتاره بس لازم نكشخ لأن من زمان ماشفناهم

العنود\أي و صادقه لازم نكشخ

ريم\وه ه بالمكياج

العنودبغرور\افا عليك أعجبك أنا

(العنود رسامه ماهره وتفنن في رسم العيون )

ريم\العنود

العنود\هلا

ريم\اممممم ...........

العنود\شفيك تكلمي!!

ريم\عمر بيجي بكره

العنود بخبث\ماسمعت عيدي..

ريم\ يأخذك لازم تذليني يعني

العنود\أنا ماقلت شي بس قلت عيدي اللي قلتيه لأنه صوتك كان واطي

ريم \خلاص قفلي الموضوع أوكي

العنود\طيب وبعد شلونك؟؟

ريم بتأفف\زينه...أوكي ماأطول عليك مع السلامه

العنود فيها الظحكه بس كتمتها\ يسلمك..



(يـوم الـعزيـمـه)

( غرفة البنات)

العنود\يلا حنين الحين خالي بيجي وأنت لسه مالبستي!

حنين بضيق\مدري يالعنودأحس قلب منقبض

العنود\تعوذي من بليس وقولي بسم وانشاء ماهو صاير الا كل

خير...

حنين\ يسمع منك

العنود\ي أنابطلع وبخليك عشان تلبسين

وطلعت العنود من الغرفه وتركت حنين لوحدها علشان تبدل ملابسها

أم حنين\هايمه خلصتوا؟

العنود\أي بس بقى حنين تلبس

وشوي وطلعت حنين من الغرفه وكانت لابسه بلوزه سوده هاينك وفيها

تموجات فضيه خفيفه وتنوره سوده مقطعه من تحت مع بوت أسود

وماحطت غير كحل ومرطب شفايف

شافها عمر وقام يصفر \أوش أوش طيحتي قلبي حرام عليك تهبلين

العنود وتبي ترفع معنويات أختها\لا لا مالي شغل تغيرين البدله طالعه

أحلى مني

أم حنين \بسم على بنتي هي دايما حلوه ماشاء عليها

حنين بابتسامه باهته \مشكوريـن أخجلتوني الصراحه

وقطع كلامهم صوت جرس الباب وكان خالهم جاي

طبعا سياره وحده ماتكفيهم

أم حنين وسمر والعنود أركبوا في سيارة بو لافي

وحنين وعمر وريم ركبوا في سيارة لافي

وطبعا لافي مــات قهر لأن العنود ماركبت معاه وفي نفس الوقت

خاف أنها تكون زعلانه ومعصبه بسبب انه كلمها


لكن العنود ابدا ماكان تفكيرها كذه والسبب اللي خلاها ماتركب معاه

أنها مره مستحيه منه ومنحرجه بسبب المكالمه ابدا ماتوقعت لافي

يكلمها ويشتاق لهابعد ماجاء بيتهم.....

(بيت بومتعب)

أم متعب\مو كأنهم تأخروا شوي؟

روابي\أي و صادقه تـأخروا

أم متعب\ دق عليهم فهد شوف وين هم...

فهد\لايمه توني داق على لافي وقال هم في الطريق........

أم متعب\زين أشوه

متعب\ ريحي أعصابك يالغلا مسافة الطريق وبيجون.....

شوي الا وهم واصلين طلعوا العيال من الصاله عشان يستقبلون الرجال

في المجلس

وبعد السلام والترحيب الطويل جلسوا الحريم في الصاله

هيفاء \بنات عطوني عباياتكم مااحد داخل الصاله لاتخافون..
وعطوها البنات العبايات وكلن أنهبل على شكل حنين ولبسها

أم متعب \ياحليلك ياحنين حلويتي مره

حنين\تسلمين ياخالتي عيونك الحلوه

أم متعب\روابي صبي قهوه

روابي\انشاء يمه


طبعا كانت الأجواء في المجلس كانت ربشه مره ووناسه كلن يسولف

من جهه ويضحك ويتذكرون مواقفهم اللي تضحك يوم هما صغار

هيفاء\وينكم يالقاطعين ماتسئلون ولا شي ...

العنود\ الحين حنا صرنا قاطعين وال أنت اللي ماكلفت على عمرك حتى

تمسكين سماعة التليفون

هيفاء \عاد تكفين أنت اللي مره مقطعه التليفون من كثر اتصالاتك!!

روابي\خلاص لاانتي ولا هي أنا اللي قاطعه..

هيفاء\صحيح ريم أنت أي صف؟؟

العنود\شفتــوا وتقول بعد أنا حنا مقاطعينها على الأقل ياحبيبتي حنا

نعرف أنا

أنت في الجامعه مش أنت ...عفانا

ريم\يمه منك خليني أتكلم كلتي البنت .....

يسلمك أنا في ثاني ثانوي علمي

روابي \ي عاد شدوا حليكم علمي يبيله وحده بس تأكل الكتب أكل

ودائما تكون متابعه مع معلمتها

العنود\ يعين

شوي ودق جوال العنودوماحست الا الدنيا تدور فيها لأن كان

المتصل...............

تتوقعون مين اللي دق على حنين؟؟
وش بيصير في بيت بو متعب من أحداث؟؟؟


الجزء السابع

يـاويلـي ياويـلـي وش أسوي؟؟ مافي الا أقول لـ حنين

العنود\حنين حنين

حنين\هلا

العنود\..........

حنين\ وش فيك يالعنود؟ليش مارديتي على التليفون

العنود بألم\تدرين مين المتصل ؟؟؟

حنين\لا طبعا

العنود\حنين أبـ ـوي اللي داق ابوي ياحنين



حنين\لا حرام عليك لاتقولين ....أكيد تضحكين

وقطع عليهم صوت رنة التليفون

في هاللحظه تأكدت حنين أنها صدق ابوها

روابي\ العنود ردي على التليفون!!

حنين\لا..........خليه أنا اللي برد.........

وقامت حنين من مكانها وراحت شوي بعيد عشان ماأحد

يسمعها..........


حنين\الـ ـو هـ ـلا يبـ ـه

بوحنين\ يأخذك يابنت الكلب وينكم فيه؟؟

حنين بألم\حنا بيت خالتي فاطمه.......

بو حنين وباعلى صوته\الحين يازفته تجين البيت بســرعه

وقفل السماعه بوجهها................





في هذه اللحظه أخنقتني العبره......

ماني مصدقه هذاأبــوي !! معقـوله!!وين اللي يقول الأب حب

.. وين اللي يقول الأب رعايه.. وين اللي يقول الأب اهتمام

..أمـان..حنان..

وين مشاعر الأبوه الفطريه...

ياناس قولوا لي في أحد يكرهه عياله!! في أحد يتمنى الشر

لهم!! في أبو بهالدنيا وده يحول حياة عياله الى جحيم!! في أبو

يتلذذ بعذاب عياله!!

ليه كل مره نحاول ننسى الأحزان يجي أحد يكدر علينا؟؟؟

أحنا ايش سوينا؟؟ أي جرم أرتكبنا؟؟مين المظلوم ؟؟ ومين

الظالم؟؟مين اللي لازم نحاكمه؟؟ليه يادنيا ليه؟؟....


ماعلى الدنيا عتب..........
كل مافيها أمانــي..
فوق ملتاع ..الهـدب..
أكتـب أحسـاسي أغاني.....
كل ماشفتـك أحن..للصفاء وأجمل وفاء..
يامركب من سهر..يامجاديف القدر....
يابحر موجه عبوس..فيك اتبعني السفر..
كل ماترسي بمينا..أقول تاني..
وأثرها غضب علينا...لعبـه يلعبـها زمـانـي........

شسوي أروح البيت وأشوف أيش يبي والا أجلس ولا كأن شي

صار

بس أنا أعرف أبوي متهور ويسوي أي شي...

ياربــي أرحمني..

لالالالالا لازم أروح وبأسرع وقت بس منوا اللي يوديني ؟؟؟

بس بدون محد يدري... أطلع وأجر تاكسي...

لا صعبه جدا خصوصا أن كلا بيحس

طيب يوديني لافي بس أعرف لافي اذا قلت له بيعلم خالـي

وبتستوي خناقه كبيره أحنا في غنى عنها

يارب ثبتـني....وبهالحظه نزلت دمعه من عيونها خلالالاص

مش قادره أستحمل الوضع اللي أنا محطوطه فيه...

وماأحد حس فيها غير العنود وروابي وعلى طول راحوا لـحنين

روابي\حنين ايش فيه !!ليه تصيحين!!

حنين ماقدرت تغبي الموضوع أكثر من كذه لا زم أحد يساعدها

وقالت لهم كل السالفه بالتفصيل

وخلاص انفجرت من كثرالبكي

العنود\طيب ايش نسوي ؟

حنين وهي لازالت تصيح\مدري يالعنود مدري

روابي\طيب أنا عندي فكره بخلي أخوي متعب يودينا لأنه نقدر

نوثق فيه في هذه المواقف شرايك؟؟؟؟؟

حنين\لالا فشيله ماأقدر

العنود\حنين تكفين وافقي ماعندنا الا هذا الحل تكفيـن

وبعد اصرار روابي والعنود وافقت حنين

حنين\اسمعي اذا أمي سألت عني قولي لها أن في وحده جايه

تأخذ أوراق الأمتحان ومره مهمه انا ماأقدر أقول لها لأن بتشك

فيني أوكــي..

العنود\طيب يلا روحوا مافي وقت ..

روابي\ي أن بدق على متعب انتظريني هنا

حنين\طيب يلا بسرعه

روابي\هلا متعب

متعب\هلا حبيبتي

روابي\طلبتك طلبه قول تم

متعب\تم ياقلبي قولي

روابي\أول اطلع بره المجلس

متعب\حاضرين دقايق

وفعلا طلع بره المجلس


متعب\شفيك خوفتيني!!

وقالت له روابي كل السالفه

متعب\اسغفر العظيم ماأني مصدق أن في أبو بهذه الوحشيه

روابي\المهم ماعلينا بسرعه خلينا نطلع قبل مايصير أي شيّ!!

متعب\طيب بستأذن منهم وأنتو جهزوا وبدق عليك أوكـي يلا

مع السلامه

روابي\مع السلامه

وراحت لـحنين عشان تطمنها

حنين\ها شقال أكيد ماوافق!!

روابي\لا حرام عليك دقايق ونروح بروح أجيب العبايات

ودق عليهم متعب وقالهم أطلعوا وركبوا السياره


أم حنين\العنود تعالي

وقامت العنود من عند البنات

العنود\هلا يمه بغيتي شي

أم حنين بصوت واطي\ وين حنين؟؟

العنودبارتباك\أممم راحت البيت علشان في بنت تبي تأخذ أوراق

الأمتحان وهذه الأوراق مره مره مهمه

أم حنين\مين اللي راحت معه

العنود\واحد من عيال خالتي فاطمه

أم حنين بعصبيه\وهذه الأوراق ماتتأجل لبكره فشلتونا قدام

الرجال الحين ايش بيقول عنا هو وخالتي حسابكم بعدين في

البيت..

المهم كلن عرف بالسالفه الوهميه وأم متعب أنتقدت كثيير حنين

لأنها طلعت من البيت عشان سبب تافه طبعا بنظرها سبب تافه

لأنها ماعاشت المأساه اللي عيشتها حنين................

مسكينه ياحنين من وين تلقينها والا من وين؟؟؟؟؟

نرجع للمهم

في سيارة متعب

طبعا ماأبي أقولكم عن احراج حنين الكبير وهي في السياره

عيونها مانزلتها من الأرض وكانـــت تصيــح بصمـــت

ماتبي أحد يسمعها

وكل مره تلفتت روابي للسيت الوراني وكل مـا تلفتت تشوف

حنين بنفس الوضعيه..........

روابي\حنين

رفعت راسها حنين كأنها تقولها نعم

روابي\فيك شي؟؟

اكتفت حنين بأنها تهز راسهالـ روابي بـ لا يعني انها مافيها

شي

كل هذا يصير ومتعب ساكت ماتكلم عشان مايبي يحسس حنين

بالأحراج

وأخيرا وصلو البيت

روابي\حنين ننتظرك في السياره طيب حبيبتي...

وعلى طول نزلت حنين من السياره متوجهه للبيت


أول ماطلعت من السياره لقيت باب بيتنا مفتوح كله.........

يعني

الحوش من بره ينشاف عاادي عند أبوي الباب مفتوح والا

مسكر حتى لو دخل حرامي البيت عااادي جدا

مشيت بخطوات سريعه للبيت وأول مادخلت سميت بسم

فتحت الباب الداخلي وبعدها دخلت الصاله

مالقيت أحد........................

ويــن أبوي؟؟؟

بعدها سمعت صوت في غرفة أمـي أكيد هذا أبوي ودخلت

الغرفه وأول ماشافني أبوي ....

تتوقعون أيش سوى ؟؟





عطاني طراق في وجهــي من قوته طحت على الأرض



تدرون ليه عطاني طراق ؟؟؟


بو حنين\ليه تأخرتي وأنا جالس ساعه أنطرك زي الحمار

((حمار)الأعتراف بالحق فضيله)

بدال مايسألها مع مين جايه ؟؟أو وين أخوانك وأمك سألها ليش

تأخرتي( ونعم الأب)

حنين\............

طبعا حنين متعوده على الضرب من يوم هي صغيره بس الجرح

اللي في قلبها صار ينزف أضـعاف


بو حنين\تكلمي شفيك ساكته؟؟

حنين\...........وش تبينـ ـي أقـ ـول !!

بوحنين\لاتقولين شي يالملعونه الحين بسرعه عطيني فلوس

تأخرت على ربعي.........

حنين\...........

بو حنين بصوت عالي \لا تطالعيني كذه قومـي بســـرعه

وقامت حنين ودخلت غرفتها عشان تعطي أبوها الفلوس

وشوي ودخل عليها وشافها ماسكه بأيدها فلوس

جر الفلوس منها بقوه وطلع من الغرفه ومن بره البيت بكبره ..

أول ماطلع

أنهارت حنين وطاحت على الأرض


(سيارة متعب)

روابي \كأنها تأخرت صح؟؟

متعب\اي و صادقه تأخرت

روابي\ياويلي و أني خايفه عليها

أبوها مجرم يمكن يسوي لها أي شي...

متعب\لهدرجه!!

روابي\وأكثر بعد

متعب\طيب شوفي اذا ماطلعت بعد 5دقايق روحي لها أوكـي

وتوها بتتكلم روابي الا طلع أبو حنين وركب سيارة اللي كان

ينتظره ومشوا

روابي\أنا بنزل أوكي

متعب\أصبري بنزل معك وبجلس في حوشهم

روابي\طيب يلا بسرعه

ونزلوا من السياره وتجهوا للبيت

يوم مادخلت الصاله ماشافت حنين وعلى طول توجهت لغرفة

البنات


وأول مادخلت الغرفه


شافت منظر يبكي القلب قبل العيون

شافت منظر يذوب الصخر

شافت اقصى أنواع العذاب

**العذاب أنك تشوف أحد يعاني من الألم اللي في داخله وماتقدر

تسويله شي**

شافت حنين جالسه على الأرض ومافي غير جسم يهتز للأسف

ماكانت حنين تقدر تبكي لأنها العبره خانقتها مش قادره تعبر

عن مشاعرها المؤلمه لأنها تحس أن في غصه بحلقها ...

جلست روابي على الأرض وخذت حنين لحضنهاوصارت تبكي

لاشعوريا لـ حال حنين وحاولت تهديها بس مامن مجيب جلست

فتره طويله تهدي حنين لمن حست فيها حنين

روابي\حبيبتي بسم عليك انشاء قومي حبيبتي قومي

حنين\مش قادره روابي مش قادره خلاص تعـبت



(بيت بو متعب)

ياربـي شفيهم تأخروا أكيد صار لهم شي يستر بس

يستر ياليتني رحت معاهم...

ريم\العنود تأخرت حنين صح؟؟


العنود بابتسامه باهته\لاعادي أصلا هذا البنت اللي جيتها تحب

السوالف والهذره أكيد تشوفينها طاقه سوالف معاهم


ريم\اهــا طيب أمشي نشوف هيفاء نساعدها بالمطبخ

العنود\ أوكي سـرينا



عند الأولاد

فهد \شعـليك مين قدك اليوم حبيبة القلب موجوده هنا مايفرق

بينك وبينها الا كم جدار

لافي \مـالت علي أصلا حظي نحس مع هالعنود نفسي أعرف

كيف تفكر ؟؟ تصدق اليوم قبل مانجي بيتكم حنا اللي وصلناهم

ورحت وديت السياره المغسله عشان يغسلونها وغير كذه

معطرها وحاط فيها بخور بعد وبكل سهوله تجي وتركب مع

أبوي وأنا الغبي مفكر أنها بتركب معي


فهد\هاهاهاهاهاهاهاهاهاهاهاهاي

لافي\أيه اضحك اضحك مش أنت اللي محترق بنار الحب

فهد\و ماأحد قالك حبها

لافي\هو على كيفي السالفه أأحبها والا ماحبها الحب يدخل لقلبك

بدون استئذان شعرفك أنت بالحب

فهد\تكفى ياقيس زمانك تصدق عاد و أنك كاسر خاطري

لافي\خلها على كريم


متعب\أوف شفيهم تأخروا ياربي مايصير كل هذا عشان تشوف

شفيها...مافيني صبر..

ماعندي الا أنتظرهم....


غرفة حنين

روابي\حنين حبيبتي خذي شربي المويه

حنين\مالي نفس لأي شي

روابي\على الأقل بللي ريقك

وشربة روابي حنين كأس المويه لأنها ماهي قادره تشربه

لوحدها..

روابي\انروح الحين والا ننتظر شوي لأن تأخرنا وأخاف الأهل

يحاتونا

حنين\أي صح صادقه تأخرنا كثيير

روابي\يلا قومي سمي بالرحمن وغسلي وجهك بالمويه

وأول ماقامت حنين فقدت توازنها وكانت بتطيح الا مسكتها

روابي

روابي\بسم عليك تسندي علي

وسندتها ومسكتها من كتفها

روابي\لا لاتروحين الحمام وأنت حالتك كذه أمشي نروح المطبخ

وراحوا المطبخ وغسلت حنين وجهها

ولبسوا عباياتهم وأول ماطلعوافي الحوش شافوا متعب واقف

ومرتبك

روابي\متعب يلا

متعب\انشاء

واتوجهوا للسياره وكان طول الطريق ساكتين و كلن شارد

بفكره

حنين تفكر بحظها العاثر هي مع أخوانها

وروابي مش مصدقه لحد الحين اللي صار

ومتعب يبي يعرف ايش صار لـ حنين ولا شعوريا رفع راسه

وشاف بالمنظره عيون حنين

وتمنى أن ماشاف هالعيون اللي تذبح من جمالها وتشكي من

العذاب وتدمع من الاهات..........

بس أكثر موقف أثر فيه يوم شافها تأخذ منديلها وتمشه على

عيونها اللي كانت مستلمه للدموع بغزاره

وحنين حست أن في أحد يطالعها فارفعت راسها وشافت متعب

يتأمل فيها

ارتبكـت كثيير ونزلت عيونها على طول

وهو الخبل ماحس فيها الا لمن نزلت عيونها وعظ على شفايفه

ندم لأن شافها بالمنظره


وأخيرا وصلوا البيت


وطلعوا من السياره وظل متعب في السياره عشان يدخلون

البنات قبله

وقبل ماتدخل حنين البيت مسكتها روابي

روابي\حنين تكفين هدي ولا تبينين شي

ومشي دموعك وجهك صار أحمر من كثري البكي

حنين\و..............

ياويلـي أكيد الحين بيكشفون أني أبكي

روابي\أنت بس خليك عادي وسولفي ولا كأن شي صار طيب..

حنين\مشكـوره مشكـوره ياروابي كثيير و بدونك ماكنت

أدري شسوي

روابي\لاياحنين حناخواتك وأكثر بعدوأنت عزيزه وغاليه اما اذا

أنت معتبرتني شي ثاني فـ..

وقاطعتها حنين وقالت\لا حرام عليك ماتتوقعين قد ايش أنا أعزك

وربي الشاهد أن معزتك مثل معزة العنود

روابي\تسلمين حبيبتي أقول مو كأن نسينا الشعب الكريم وقمنا

نهذر

حنين بابتسامه\ أي و صادقه نسيناهم

روابي\اي كـذه ابتسمي تبتسم لك الدنيا يعل هالأبتسامه دايمه

يارب

حنين\اي واضح تبتسم لي الدنيا
أقول بس خلينا ندخل أكيد الحين

يحاتونا

روابي\ي

ودخلوا البيت وخذوا لهم كم كلمه عالطاير من الموجودين


يعني مثل

تأخرتوا! وش تسون هالكثر في البيت!ليه ماتصلتوا عشان

نطمن عليكم!ومره ثانيه لا تطلعون الا بشورنا........يعني مثل

هذا الكلام

بس كان في قلب حاس من الموجودين أن السالفه كذب في كذب

وأكيد في سبب قوي يخلي حنين تروح البيت وهذا القلب كان أم

حنين لأنها عارفه بنتها عدل وأكبردليل أن وجها كان متغير

مش حنين اللي كانت موجوده قبل ماتطلع من البيت أكيد فيها

شي...

وبعد ماجلسوا شوي الحريم حطوا العشاء وتعشوا وبعدها كل

واحد راح بيته


ياترى
ايش راح يصير لـ حنين ؟؟
والعنود بتحس بـ لافي؟؟؟
وأم حنين بتسكت عن الموضوع؟؟
ومتعـب وش سالفته ؟؟

الجزء الثامن

**سيارة لافي**

:و لأذبحها بذبحها (ايش وراك أذبحـها لكن فيها أعدام

: خـلاص طفـح الكـيل (صحيح مادريت مسكه عاد لايطيح)

:من متى هي تتجاهلني وتـركب مـع أحد غيـري (من زمان بس

ماأنت حاس )

:شكــلي بمـوت ناقـص عمـر أنا (ماأحد يمووت ناقص عمر)



هذا الكلام كان يدور في راس لافي لأنه العنود ماركبت معه...

وركبت مع أبوه.....

يوم وصلت أم حنين البيت مع عيالها وأول شي سوته حنين دخلت

غرفتها وقفلت على روحها الباب


أم حنين\ العنودشفيها أختك

العنود\هـا .....................مـافيها شي..

أم حنين\العنود ماني بـسمر تقصين عليها بكلمتين قولي شفيها أختك

العنود\يمـه حبيبتي قلبي أنت ..........و مافيها شي حنين..

أم حنين\متـأكده؟؟

العنود\أيه متأكده

أم حنين\طيب بروح أشوف شفيها

العنود\لالالالالا يمه مالاداعي أكيد هي تعبانه شوي وتبي ترتاح

أم حنين\لا لازم أشوف بنتي مايهدى لي بال ألا لمن أشوفها..


وفعلا طقت أم حنين الباب على حنين

حنين\منوا؟؟؟

أم حنين\أنا أمك حبيبتي فتحي الباب

حنين\انشاء

وفتحت الباب حنين

أم حنين\حنين شفيك تعبانه؟؟تبين تروحين الطبيب..

حنين\لا يمه بس صداع خفيف وبيروح

أم حنين\مدري ليه حاسه أنك فيك شي ثاني ...قولي لي حبيبتي أنا

أمك..

حنين\ يا يمه صدقيني لو فيني شي كان قلت لك من متى وأنا أخبي

عليك شي!! أصلا كل أسراري عندك...

أم حنين\متـــأكده...

العنود\أيه و أنها متأكده..

أم حنين \بسم من وين أنت دخلتي؟؟

العنود\من أختراع سموه الباب

حنين وامها قاموا يطالعون العنود وودهم يذبحونها لأنها فاضيه جدا

العنود\شفيكــم تطالعون فيني كذه كأني ماكله حلالكم!!

طبعا حنين ماله خلق لأختها ومزحها البايخ فاتجاهلتها وماردت على

سؤالها

حنين\يمه عاد خلاص لاتحاتين صدقيني مافيني شي...روحي نامي..

أم حنين\طيب خلاص بصدقك مع أني لحد الحين مش مقتنعه بجوابك

وي بروح أنام ....
لاتنسون أقرو اية الكرسي قبل ماتنامون

وتصبحون على خير

حنين+العنود\وأنت من أهل الخير

حنين\ويــه الحمد لله أن المسأله عدت على خير والا لو أمي أظغطت

علي في الكلام صدقيني كنت بخورها وبقول لها
العنود\غريبــه ياحنين ليــه ماتبين تقولين لأمي ؟؟وأنت كل

أسرارك عندها!!

حنين\الصراحــه ماأبي اقـول لأمي هذه السالفه

كفايه اللي جاها من أبوي

العنود\بس ياحنين اذا أمي درت أن أبوي جاء راح تزعــل كثيير منك

حنين\لا مستحيل أمي تزعل مني!!

أنا ماقلت لأمي السالفه علشان ماتتضايق


وبعدين يكفي وحده تتضايق في هالبيت مش لازم كلن ينكد على عمره

خلينا بس ننام بلا هم بلا غم ي تصبحين على خير

العنود\وانت من أهله




بعد مرور يومين من الأحداث

جامعة الملك فيصل

كفتيريا الجامعه

مروه\أهليـن وينك امس ادق على تليفونك وكله مغلق؟؟

هيفاء\هلا فيك متى دقيتي علي ماشفت رقمك!!!

مروه\الساعه 1بالليل دقيت

هيفاء\1 بالليل أنا بفراشي ونايمه من وقت

مروه\غريبه مش من عوايدك تنامين بدري..

هيفاء\أي و صادقه لكن أمس أظطريت لأنه قبل أمس سهرت مع

أختي روابي لين الساعه 3 الفجر على قولتهاأنها بكره بتروح الرياض

وماتدري متى بتشوفنا مره ثانيه وتبي تعوض...

وأمس نمت على طول

بعد ماراحت لأني ميته تعب..

مروه \اها يخليكم لبعض.........أقول هيفاء

هيفاء\نعم

مروه\أممممم تـرى بعض الناس يسلمون علـيك كثييير

هيفاء\مين تقصدين؟

مروه\علينــا تسوين نفسك ماتدرين هـا

هيفاء باحراج\صدقينـي مدري منوا !!

مروه\خلاص مالا داعي أقول مادامك ماتعرفين..

هيفاء وشوي بتموتها\على راحتك متى مابقيتي تقولين قولي...

مروه\ طيب يلا مع السلامه السواق ناطرني بره

هيفاء \انتظري بروح معك لأن أكيد أخوي الحين وصل

لبسوا البنات عبيهم وطلعوا بره عند المواقف وشافت هيفاء أخوها فهد

وسلمت على صديقتها وركبت السياره

هيفاء\السلام عليكم

فهد\ وعليكم السلام بنت حلال و توني بدق عليك الا وأنت طالعه

هيفاء\أيــه شفت أنا دايم أدور على راحتك قلت لازم أطلع حرام

أخوي يجلس5دقايق في الحر

مش أنت مره مش هامك الا نفسك اذا تأخرت على محاظرتك!!!

فهد\أقــول بس أكريمنا بسكوتك أنت مره مصدقه نفسك عطيناك وجه

زياده عن اللزوم

هيفاء\ياحسرتي الناس حسديني على هالــ فهد خلي يجون يشوفون

هالأخو !!

وينــك بس يامتعب ياللي مافي مثلك بهاالكون مش أنت عفانا !!

وظللوا كذه في خناق ومناجر لحــد ماوصلوا البيت وتفرقوا...

(بيت بو حنين)

أم حنين\أقول حنين تراني قلت لـ لافي اليوم يوديكم السوق لأنه مابقى

شي على عزيمة عمكم ...

حنين\زين قلتي له لأني كنت بقولك اليوم نبي نروح االسوق حق

العزيمه

عمر\ يمه يهديك بدال ماتقولين كل مره لـ لافي أو خالي يوصلنا

مكان خليني أطلع ليسن وأسوق سيارة أبوي اللي موقفه بره الشارع

أم حنين\أيــه أصلا أنت هذا اللي تبيه تطلع ليسن بس مستحيل أخليك

تطلعه وأنت بهذا العمر مجنونه أنا أخليك تسوق ...تبي تجيب لي

الجلطه!!

حنين\تصدقين يمه و صادق في كلامه و أني متفشله من خالي

من كثر طلباتنا اللي ماتخلص!!

أم حنين\ لا عادي خالك مايقصر معانا...

حنين\أدري يمه ..أدري أنه مايقصر بس حتى ولو ياوجه أستحه

أحراج !!و ثقلنا عليهم!!

أم حنين \يعني ايش قصدك أنت تبيني أطلع ليسن لأخوك!!!

حنين\يعنــي !!مش الحين اذا كبر شويه ..أو على الأقل نطلع له

ليسن الحين أحتياط ماتدرين يمكن نكون محتاجين سياره لشي

ضروري ومافي أحد موجود يودينا..

أم حنين\طيب خلاص خلوني أفكر ...

عمر\ عــــاشت أختي و أنك أروع وأحسن أخت في الدنيا من

قدي بطلع ليسن ...

أم حنين \أقول لاتفرح كثييير أنا قلت بفكر يمكن ماأوافق..

عمر\ عادي يمه المهم أن أنت ماعارضت الفكره وانشاء مع مرور

الأيام بتقتنعين...

طبعا كل هالمناقشات و هالكلام ينقال لكن في وحده مش حاسه باللي

صاير!! من أول ما عرفت أن لافي هو اللي بوديهم وهي البنت محتاسه

وسرحانه في عالم ثاني عالم وردي مافيه غير هي ولافي

(بيت بو متعب)

:متعـــــــــــــب

متعب\لا رد...............

هيفاء \متعب متعب
متعب صحى من سرحانه \بسم شفيك تصارخين فقعتي أذني
بصراخك هذا!!!

هيفاء \أنا اللي ايش شفيني والا أنت اللي جالسه أكلمك من فتره وأنت

سرحان و يعلم مين اللي تفكر فيه..

متعب\أنا سرحت !!متى!!!

هيفاء بلهجه لبنانيه\ من زمــــان واللي ماأخذ عقلك يتهنابوا !!

متعب وضحك\ يقطع بليسك...عليك حركات تخلي الأنسان غصب

طيب يضحك...

هيفاء\أصلا أنا لو فارقت هالبيت وتزوجت راح تمووتون من الصياح

ويمكن بعد تنتحرون

تدري بعد ياأخوي فراق هيفاء صعــب جدا صعب

متعب\اهي اهي اهي لالالالالالا تكفـــين لاتبكيني تراني ماني ناقص

فراق وعذاب كفايه اللي فيني

هيفاء مستغربه\نعم نعم دكتور متعب!!!أي فراق وأي عذاب لا يكون

الأخ يحب وأنا مدري!!!

متعب\أي حب وأي خرابيط أنت ووجهك !!

هيفاء\أجل أيش قصدك بهالكلام!!

متعب\أي كلام!!

هيفاء\كلام الحب والعذاب كلام المحبين ياأخي العزيز...

متعب\أقول بس اللي يجلس جنبك يستخف وتصيبه حاله هستيريه

خليني أروح مع صديقي أحسن لي...

هيفاء\ايــه أيــه تهرب هذا أنتوا ياالشباب اذا مسكنا عليكم شي

وخصوصا في هالأمور تتهربون.....

متعب قام يطالع أخته من فوق لا تحت بنظرات كبرياء واستخفاف

وبعدها طلع بره البيت..

(بيت بو حنين)

عمر وهويصارخ\حنيـــن العنـــود ي بسرعه الولد ينتظركم

بالسياره

عمر\حنيــــن العنـــود ي

حنين\زيــــــن زين هذا حنا جينا لاتصـــارخ....

عمر\ وين العنــود؟؟

حنين\الحين بتخلص أمش نسبقها

عمر\وسمر بتروح !!

حنين\أكـــيد بتروح.... ي سمر

عمر\طيب ي أمشوا

وركبوا السياره

عمر قدام وريم ورى أخوها وحنين جنبها وبعدها سمر...

العنود\ياويلي لا يكون راحوا عني

وراحت تدور البيت كله وماشفتهم

وشوي بتصيح العنود\لا حرام عليهم من جد شكلهم راحوا


سيارة لافي

حنين\ شفيها تأخرت كل هذا لبس

عمر\و أختك هذه دلوعه كثيير من زمان وحنا ننتظرها وهي الانسه

لسه ماشرفت...

ريم\عادي يمكن أنشغلت في شي ضروري

لافي في خاطره (لهـدرجــه!!!! لا ماصدق العنود فيها شي!! معقوله

أنا بالنسبه لها ولاشي !!حتى مش راضيه تطلع بدري!! أووووف لين

متى هالغموض يالعنود!!! تعبت و تعبت)

وأخيراا شرفت الانسه العنود
العنودوهي منحرجه\السلام عليكم

الجميع\وعليكم السلام

حنين\ليــش تأخرتي؟؟

العنود\و مدري طلعت من الغرفه وماشفتكم فكرتكم رحتوا عني...

ريم\شخبارك العنود...

العنود\تمـــام أخباري حلوه ..وأنت شلونك...

ريم\أنا منيحه عال العال..


لافي(خلاص مش قادر أستحمل هي عايشه بفرح وسعاده وأنا الحمار

اللي خايف و متوله عليها !!حتى ولا سألتني عن أخباري !!و

مصدق نفسي كثثير هي أصلا تدري أني بالوجود أصلا!!)

وحط أغنية خالد عبدرالرحمن وواضح أنها للــ العنود لأن كل

الموجودين يدرون بحب لافي للعنود


ليش أنت مبعد عن عيوني ومجفني
يانور عين بشوفك كنت تحليها
حتى أتصالك وصوتك منقطع عني
وأعد الأيام ليت تعود لي فيها...

أن كنت زعلان ياكل الغلا مني
مجبور أراضيك وعيونك أراضيها
وأن كان قصدك بهالفرقا تعذبني
ياكيف تتعب حياتي وأنت راعيها.....

أرجوك طمن شقا نفسي وطمني
أشغلت روحك بغايبك عنها يشقيها
تعبت أحاتي وأسأل عنك لكني
مالقى جوابا لأجل نفسي أهنيها....

أطلب من عسى أنك دوم متهني
في دارك اللي يلاهي بك مهنيها
وعساك دايم في قلبي تحسن الظني
ياشمس داري وبدر في لياليها...

وبعد ماخلصت الأغنيه تكلمت ريم

ريم\ياعيني ياعيني على الحب وسنينه..

يضرب الحب شو بيذل....

وكلهم قاموا يضحكون عليها أما العنود ودها تذبحها لأنها فهمت

قصدها...

عمر بابتسامة خبيثه\متــأكده أن الحب يذل يـــاريــم!!

أتفاجأت ريم من كلامه وأستغربت أيش قصده!!!معقولــه يبادلني

نفس الشعور!!لالالا أكيد مش قاصد الكلمه اللي قالها..

كل واحد في السياره سارح وشارد بفكره واحساسه كلن يفكر لبعيد

مكان بعيد جدا وهذا المكان بالذات صعب الوصول له...بس أكيد في حل

وفي ألف طريقه للوصول ...لايأس مع الحياه ولا حياه مع اليأس

وأخيرا وصلوا المجمع ...

لافي\وصلنا تفضلوا يا اّنيساتي الصغيرات...


(سيارة متعب)

من أول خفقه بصدري..
وأنـــافيك أرسم الأحلام..
من أول طاري الأشــواق..
كنـــت أنــت أول أطيـافي.....

متعب\ياربـــي أحس راسي بينفجر من كثر التفكيــر معقوله أنا

أهتم وأشتاق..معقوله أنا أحب ..معقوله أثرت فيني هالكثر!!طيب أنا

ماشفتها !!بس بس شفت عيــونها

آآآآآآآآآآه ياعيونها من جد ذابحتني عيونها!!

لهدرجه عيونها فضحتها !!عيونها كلها ألـــــم وعذاب

هالعيون كثييير شدتني مدري ليه!!يمكن لأنها غير ...غير عن البنات

كلهم الي أعرفهم..

أصلا كل المواصفات اللي كنت أبيها في البنت اللي بتزوجها فيها




شفيني قاعد أخربط!!!!! أقول كلام مش مفهوم!!لا وأتكلم بعد عن

الحب!!هاهاها

مالت علي!! أنا رجال شكبري وأحب!!توها تطلع سوالف المراهقه!!

هزلــت و...

في المجمع

دق تلفون لافي وكان المتصل فهد

لافي\عمرخلك شوي مع البنات أنا عندي مكالمه وبجي

عمر\أوكــي

العنود\عمــر تعال شوي

العنود\شرايك !! مين أحلى البدله الحمراء والا البدله الزيتيه

عمر\أنت شرايك

العنود\ريم تقول الحمراء أحلى وانا الصراحه محتاره بين الثنتين!!

عمر قام يطالع ريم بنظرات غريبه حتى هي مافهمت ايش معنى هذه

النظرات...

عمر\أكيــد اللي قالت عنه ريم خذيه.....تدرين ليه؟؟؟


العنود\ليه؟

عمر\لأن كل شي من ذوق ريم حلو................. مثلها

ومشىبسرعه قبل مايسمع ردهم

العنود\أحلـــى حركاااااااااااااات أنا الصراحه ماأقدر على الغزل اللي

عيني عينك

العنود\ريم




ريم\....................

العنود\ريـــــــــــــــــم ياهــــوا

ريم\العنـــود

العنود\نعم

ريم\ايش ماكل أخوك اليوم على الغدا!!

العنود\عااادي مثل ماكلنا حنا............ليش السؤال!!

ريم ببلاهه\..........لا ولاشي

العنود\طيب يلا وش أختار أنا الحين أحترت أكثر من أول

ريم\شوفي خلينا نروح محلات ثانيه واذا ماعجبك شي نأخذ البدله

الحمره أوكــي

العنود\طيب يلا................................... بس وين حنين؟؟

ريم\شوفيها ورانا..........

العنود\أمشي نروح لها

العنود\ها حنين لقيتي شي ...

حنين\لالسه ي نطلع




لافي\مــــــــرحبا

فهد\هلا وغلا شلونك؟؟

لافي\تمــام وأنت؟؟

فهد\أنابخير وينك؟؟

لافي\أنا في الراشد

فهد\يالخاين!!ليش ماقلت لي!!

لافي\لأنــي مع الأهل.......والعنــود معانا


فهد\أحلـــــــــــف

لافي يبتسم\واللـــــه

فهد\أكيد مستانس صح!!

لافي\أيـه مررره مستانس

فهد\وش فيك تقولها وانت مالك نفس!!

لافي\خلها على ياأخوي ....المهم ماأطول عليك بروح أشوف أيش

صار عليهم

فهد\أوكــي أذا فضيت دق ي مع السلامه.

لافي\حيــاك مع السلامه


راح لافي عند البنات

لافي\ها خلصتوا؟

ريم\لافي تعبت شرايك نشرب شي؟؟

لافي\يعني خلصتوا؟؟غريبه

حنين\لا لسه باقي العنود ماشرت

لافي\ليه ماعجبك شي!!

العنودمستحيه\لا لسه

ريم\العنود ذوقها صعـــب

لافي أكتفى بابتسامه وقال في نفسه أكيد هذه العنود في كل شي صعبه

يعيني عليها

حنين\طيب أسمعو نشرب شي بعدين نرجع نكمل مشترى


وفعلا راحوا كافي جلسوا البنات والأولاد في طاوله وحده

لافي\يلا بنات وش تطلبون؟؟

عمر\لايكون حاذفني من القائمه!!

لافي\لا حشى ...بس ليدي فيرست

عمر\اها طيب ياليدي فيرست وش تطلبون...

حنين\أنا أبي موكا

ريم\وانابعد

لافي\وأنت ياحلوه (يقصد سمر)

سمر\أنا أبي حلاوه

لافي\حلاوه طيب حبيبتي بشتريلك حلاو بس ماتبين تشربين شي؟

سمر\أبي عصير فراوله
عمر\من وين بنجيب لها عصير فراوله

حنين\خلاص اطلب لها شوكلاته بالحليب ساخن هي تحبه

لافي\وأنت يالعنود؟؟

ريم\العنود ماتحب الكوفي

لافي مستغرب\يعني ماتبين شي

العنود\لا مشكــور ماقصرت

لافي\على راحتك.........

لافي\ي عمر تعال معي...



حنين\شفيك ماطلبتي شي ثاني

العنود\أحراج

حنين\عادي من ايش منحرجه !!

ريم بصوت واطي\لازم تنحرج من خطيب المستقبل أجل تبينها من

الحين تقول طلباتها !!لاحقه البنت......

والكل ضحك عليها حتى سمر اللي ماتدري شسالفه ضحكتك عليها

(الحشر مع الناس عيد)

وجابوا الشباب الطلب وسمعوا ضحك البنات

لافي\شفيكم تضحكون ضحكونا معاكم

ريم\أقول يالعنود؟

العنود\ياويلك و لأذبحك

عمر\شسالفه!!

ريم \لاخلاص مش قايله.........أخاف تذبحني العنود

حنين\أقول بس أشربوا بسرعه خلونا نخلص أغراضنا........



الرياض

شقة روابي

نايف\روابــي شفيك

روابي\مافيني شي

نايف\لاو مبرطمه والبوز ممدود شبرين والوجه كئيب وتقولين مافيك

شي!!

روابي\نايف ممكن اطلب طلب

نايف\ياعيون نايف انت تامرين امر

روابي\الصراحه اشتقت لأهلي وودي أشوفهم

نايف\أكيد تضحكين صح؟؟

روابي\لا و من جد أتكلم ......

نايف\توك شايفتهم من قبل كم يوم

روابي\شسوي بعد هذيلا أهلي

نايف\طيب وأهلي مش أهلك....

روابي\طبعا أهلي ......طيب حتى أنت عندك أهل في الشرقيه أشرايك

ننقل هناك...

نايف\لا أنا عندي فكره احسن

روابي\ وش هي بسرعه قــــول...

نايف وهو ماسك ضحكته\شرايك نسكن في الأحساء مابين الرياض والخبر

روابي وهي مره معصبه\تستهبل أنت!! ولاتسكتني بكلمتين..

نايف\شسوي بعد فيك .قلت يمكن الطف جو الكآبه وانت بعد يهداك

كيف أترك أهلي وشغلي!!

روابي\اووووهوا خلاص سكر السالفه...

وبعد دقايق

نايف\أقول روابي..

روابي وهي معصبه\هــا

نايف وهو رايق\شكلك يضحك وانت معصبه...كل يوم عصبي


روابي\سخيـــف وربي سخيــف بروح أشوف العيال أحسن لي....



في المجمع

حنين\العنود ماصارت ...خلتيني أدور معك و أنسى أشتري لــ سمر

العنود\طيب شسوي مالقيت شي حلو

ريم\خلاص حنين روحي شوفي شي لــسمر وأنا هنا معها

حنين\طيب بخلي عمر يجي معي...

لافي\روحي ولايهمك

حنين\ وبسرعه ترى مافي وقت

ريم\طيب ي روحي واحنا معنا لافي

العنود بصوت واطي\لالالا وش لافي أنت بعد

ريم\أقول أسكتي بس ضاع الوقت على دلعك الزايد

العنود\ شوفي الفستان الفيروزي المعروض في zara روعه

ريم\وينــه ماشوفه!!

العنود\أمشي نروح له

ريم\ أنتظري ..........لافـــي لافــي

لافي\هلا

ريم\تعال بنروح zara

لافي\ي

وراحو المحل ودخلوه وطلعت العنود الفستان

و هذا الفستان ممزوج بلونين ذهبي فيه لمعه مع فيرزي و كــان

جنان بس مشكلته قصير مررره من تحت وله أكمام بس مقطعه يعني

مالها داعي

لافي\العنود أنت من صجك بتشترين هذا!!

العنود\أيه أيش فيه مش حلو

لافي وبدى يعصب\حلــو بس مو كأنه قصير شوي

العنود ومستغربه من عصبيته\عــادي مش مهم

لافي\قولي و مش مهم!!!

العنود\و شفيك

ريم\مافيها شي لافي ليش معصب هي رايحه عزيمه كلها حريم

لافي\وليه ياآنسه ريم عادي عندك تلبسين هذا اللبس؟؟

ريم\مافيها شي قلت لك العزيمه كلها الحريم

لافي وحاول يهدي أعصابه\م طولك ياروح

لافي\ العنود لاتشترينه

العنود\ليـــش

لافي\بس ماأبيك تلبسينه

ريم سحبت أخوها على جنب عشان ماتسمعهم العنود

ريم\لافي شفيك!!!! ليه ماتبغاها تشتريه

لافي\يعني ماتدرين ليه!!

ريم\لا مدري !!

لافي\مش مهم أفسر أكثر بس أنا ماأبي أحد بشوفها بهالفستان فهمتي

الحين

ريم وفيها الضحكه\أهـــا قول كذه من زمان وفكنا ليه اللف

والدوران..........قول أنك تغار!!

لافي\أيه أغـــار عندك مانع

ريم\لا ماعندي مانع

ريم\والحين ايش نسوي

لافي\مدري تصرفي !!

ريم\طيب تعال معي

لافي\وش بتسوين!!

ريم\أنت تعال ولايهمك

لافي\طيب نروح معك وأمرنا لله

العنود\وين رحتوا !!

ريم \ولا مكان ها شرتيه!!

العنود وهي زعلانه\لا مالقيت مقاسي

لافي\الحمدلله

العنود\مستانس الحين!!

لافي\أكيـــــد مستانس

ريم \خلاص اسمعي مافي الا نشتري البدله الحمراء

العنود\ي أمرنا لله

وراحوا للمحل وشاف لافي البدله الحمراء

هي صح شوي ضيقه البدله وأكمامها قصيره شوي بس على الأقل

أحسن من الفستان اللي مره عاري

لافي\أيه هذه حلوه

العنود طبعا مستغربه كثيير من لافي بس ماحبت تبين!!و قالت أكيد

بطلع الجواب منه يوم من الأيام أو من أخته !!


تتوقعون ايش راح يصير بيت عمهم؟؟؟
والعنود بتسأل لافي عن سببرفضه للفستان؟؟
ومتعب بتتطور مشاعره؟؟


الجزء التاسع

(بيت العم عبد )بو فيصل

الصاله

:ســـــــــــــــوزان ســـــــــــوزان


ساره\ماتسمعين صمــخــه!! أمـــــــي تناديك!!

سوزان\أوهـــــــــــــــــــوووووووا زهقتيني ترى أنتي ويا أمــك!! كله صراخ وازعاج محد يرتاح

في هالبيت!!!!أوووووووووووف

وطلعت من الصاله

أم فيصل\ســاره وين أختك !!

ساره وحبت تستر على أختها\آه.............أختي جاتها مكالمه وطلعت تكلم فوق بدارها

أم فيصل\طيب حبيبتي تكفين دقي على المطعم اللي حجزنا فيه البوفيه

ساره\ليه يمه !!

أم فيصل\ بأكد الحجز وعندي اضافات بضيفها للعشاء أخاف مايكفي

بعد تدرين اليوم عازمين عمامك كلهم !!

ساره\انشاء .......

كلمت أم فيصل المطعم وتفاهمت معهم وأكدت الحجز وبعدها سكرت

:HI Every one!!!

ساره\وعليكم السلام ورحمة وبركاته

خالد\حلفي مادريت!!

ساره\شسوي لك بعد ياأخوي قلت أذكرك بالسلام يمكن نسيته

خالد\مابقى الاأنت يالمفعوصه تعلميني السلام

ساره\أحترم نفسك أنا أختك اللي أكبر منك

أم فيصل بعصبيه\بـــــــــــــــــس!!!!!!!!! خلاص على الأقل حسوا أني موجوده مابينكم

خالد\ MOTHER TIKIT EASY لاتعصبين ريلاكس

:أفــا مين معصب أم فيصــل

خالد\أوه أوه فيصل جاء

ساره\كملـــــــــــــــــــــــــــــــــت

أم فيصل\هلا فيصل متى جيت من البحرين!!

فيصل\ توني الحين جاي

فيصل\عاد اليوم الجمارك مرررره زحمه كلها عوائل عشان يقظون الأجازه فيها

خالد\وأنت كل يوم طاق لك البحرين!!!! ياأخي أتوقع لو أشوف الجواز حقك كله البحرين

ختم حق رده وختم حق روحه

فيصل\شسوي بعد ياأخوي الصغير مشاغل....

ساره\أيـــــــه واضح!!!

أم فيصل\هذا الشبل من هذا الأسد

فيصل\شقصدك يمه!!!

أم فيصل\أنت فاهم شقصدي!!!!!!!!!!


وتركت أم فيصل الصاله لعيالها وطلعت لغرفتها


خالد\أشرايك تأخذ لك جواز بحريني!!صدقني بترتاح...

فيصل\أقول بس أسكت عطيناك وجه زايده اليوم ...........شوف نفسك أول بعدين تكلم!!!

وهذه عايلة بو فيصل أخو بو حنين وبقولكم نبذه عن كل شخص

بو فيصل\رجال شري لأبعد الحدود زي أخته حصه وعلى قولة أم فيصل هذا الشبل من هذا

الأسد معناها أن بو فيصل كان كثيير السفرات ولحد الان

ويمتلك أكبر شركه للعقارات بالشرقيه هو مع أخوه عبد الهادي وعلى كثر ماله فهو أنسان

طماع حقود خبيث....

أم فيصل\حرمه طيبه مره وعلى نياتها وكلمه توديها وكلمه تجيبها

ساره\بنت هاديه وحبوبه مثل أمها وهي أحسن وحده في البيت عمرها 25سنه غير متزوجه

فيصل\الولد البكر ويشتغل مدير ماليه في شركه من شركات أبوه عمره 24 سنه

انسان أناني ومتكبر ومغرور جدا وكثييير السفر و عطاه الجمال هو مع أخوه خالد عكس

أخته ساره كانت جدا عاديه لكن سوزان كانت ملامحه ناعمه وحلوه

خالد\طالب في جامعة الملك فهد تخصص ادارة أعمال سنه ثانيه عمره 22 سنه أنسان


مستهتر وتافهه جدا ماعنده الا ملاحق البنات في المجمعات ومغازلتهم


سوزان\طالبه في ثالث ثانوي وشكلها ناويه تعيد السنه عمرها 19 سنه وتمتلك طبايع

أخوها فيصل الشينه متكبره وشايفه نفسها و مغروره جدا ومدلعها أبوها كثيير

ميس\أخر العنقود عمرها 5 سنوات


بيت بومتعب

هيفاء\الــو

حنين\منــوا

هيفاء\أفـــا ماعرفتيني ياحنين

حنين\هــــــــــيــــــفــــــــــــــاء هلا و

هيفاء\أهلين شلونك حبيبتي!!

حنين\تمام وأنت شلونك وشلون الوالده عساه طيبه !!

هيفاء\الحمد بخير تسأل عنكم كثيير و


حنين\تسأل عليها العافيه أنشاء

هيفاء\أقول حنونه العنود جنبك!!

حنين\ أيه لحظه هذه وياك ي مع السلامه

هيفاء\مع السلامه

العنود\هلا بأحلى هيوفه بالعالم

هيفاء\هلا العنود شخبارك !!

العنود\الحمد لله مانشتكي بأس..........الا بسأل ايش سبب الأتصال المفاجىء


هيفاء\بـــــــــــــــــــــــــــس متولهه عليك حرام!!شفتي أنا اللي دقيت عليك وسألت مش أنتي

ياشينه

العنود\لا عاد هالمره ماأقدر أتكلم ألانسه هيفاء أتكرمت وكلمتني ماأقدر الصراحه على

كرمك وتواضعك ....

هيفاءبلهجه مصريه\طبعا ماتقدريش ياأختي!!!!!!!!! أنا هيفاء والأجر على

العنود\أمووووووووت أنا على اللي يتكلمون مصري

هيفاء\يلا عاد ماأطول عليك خذتي من وقتي الكثيير!!!

العنود\لا و ومين تكونين حضرتك!!!

هيفاء\أوهووووا ماسرع نسيتي .............أنا هيــــفــــــاء

العنود\هاهاهاهاهاهاهاهاهاهاهاهاهاها صح نسيت هيفاء والأجر على

هيفاء\ي عاد مابقى الا أكلم بنات الثانويه ...........هزلت

العنود\تكفـــــــــــــــــــين مدري مين اللي كان قبل سنتين في الثانويه!!!

هيفاء\أي و ذكرتيني بالماضي الأسود أيام الثانويه العامه

أمحق أيام ....

العنود\ يرحمها..........

هيفاء\منوا؟؟؟

العنود\أيام الثانويه ...........

هيفاء\أيه و يرحمها................ي عاد بلا هذره زايده وسلمي على الوالده

وحبي راسها..

العنود\ليه بعد أحب راسها !!!

هيفاء\تدرين حررركات عشان أضمن المستقبل...

العنود\أي مستقبل!!!

هيفاء\أيش شفيك أنت بعد ماتفهمين خليك معي على الخط

العنود\و مافهمت!!

هيفاء بلهجه طفوليه\الصراااحه أنا حاطه عيني على أخوك عمر بس لاتقولين لحد عشان

كذه أسوي نفسي حرمه سنعه قدام أمك..........

العنودوانفجرت من الضحك\هاهاهاهاهاهاهاهاهاهاهاها حسبي على بليسك

هاهاهاهاهاهاهاهاه بموووووت حرام عليك هاهاهاهاهاي

العنود\ يقطع ابليسك دمعت عيوني لا تسمعك بس ريم و تذبحك

هيفاء\ليه!!!!!!!!!!

العنود\أنا احس أنها تحبه وهو بعد أحس أنه يحبها

هيفاء\ويــــــه ضاع عريس المستقبل

العنود\ماعليش حبيبتي دوري لك على واحد غيره

هيفاءوتسوي نفسها تصيح\اهيى اهيى اهيى هذا الدنيا أخذ وعطا شسوي برضا بنصيبي

.......................ي خلاص ياويلك أن دخلتي في سالفه ثانيه بسكر الحين

العنود\أوكــــي حبوبه سلمي على الوالده مع السلامه

هيفاء\يوصل مع السلامه

بعد ماسكرت من هيفاء


العنود\ياربي أحراج....كل ماأتذكر سالفة لافي أمس بالمجمع أموووت من الفشله

عاد أنا الغبيه مافهمت شي الا لمن قلت لأختي حنين وردت علي بجواب

مقنع بس معقوله

لهدرجه....يغـــ....ياربي و حتى أستحي أقولها

لكن يوم رحت أعيد اللي صاربالمجمع عرفت أن مئه بالمئه أنه..........يغــــ ار


ياويلي أنا على اللي يغارون علي


لا وبعد يلوموني ليه أحبه...........أحبـــــــــــــــه يانـــــــــــــــــــاس




(بيت العم عبد الهادي) بو زياد



أنا عيوني على سورك يابنت النور ياعطر الليل وهمس الليل
أنا فيني الأماني سيل..
أبي تعذرين أحساسي اذا قصرت..
وابي تعذرين لو قصرت في حقك..
او قصر كلامي وماوصف شعوره ..
يابنت النورياعقد من الوله منثور...



كان زياد جالس في غرفته ويسمع اغنية محمد عبده بنت النور

وكان مره سرحان وشارد بفكره بحبيبة قلبه سوزان بنت عمه كان يحبها

حب عذري حب طاهر

عفيف من أيام الطفوله لكن أبدا ماحست فيه!!كانت دائما تعتبره مثل

أخوها!!وكانت تدري

أن يحبها ويمووت فيها بعد بس أبدا ماتبادله نفس الشعور لأنها تفكر لبعيد


تفكر بحب

المراهقه اللي كان عن طريق الأنترينت وهذا الحب تطور لمن


صارمكالمات عن طريق التليفون

وبعض المرات تتواعد معاه في أماكن عامه لكن من بعيد يعني بس

نظرات......

أما الحبيب زياد ايفكر أن سوزان ماتحبه لأنها صغيره على هالسوالف

مايدري أن ها عاشقه

وولهانه من الدرجه الأولى...وكل هذا بسبب البيئه اللي عايشه فيها

سوزان لارقيب ولا

حسيب كلن لاهي بملذاته .....

وبعد ماصحى من سرحانه لقى أخته جالسه معاه في الغرفه

رهف\مايســـــــــــــــــــــــــوى !!و ياأخوي مايسوى كل هذا حب

وهي ماتدري عنك

زياد\مش مهم .................المهم اني أنا أحبها وبس!!

وطلع من داره


رهف\ويــه مالت عليها من حلاتها عشان يحبها و مدري ليه أخوي

يحب هالبزر..فقدتها

و!!!




عايلة عبد الهادي

بو زياد\يمتلك نفس طبايع أخوه الشر عندهم صفه وراثيه ويشتغل مع

أخوه في الشركه لأن

الشركه لهم أثنينهم وراثينها من أبوهم

أم زياد\شريه وحقوده وأي شي تشوفه عند الناس تبي مثله يعني

غيوره من الدرجه الأولى

زياد\البكر رجال ونعم الكلمه ملامحه حلوه وهاديه وفيه غمزات رهيبه

ويحب سوزان بنت عمه

ومهنته طيار لأنه كان يحب الطيران من الطفوله عمره 25سنه

نواف\طالب في كلية التقنيه وهو مع ولد عمه خالد أصدقاء لأنهم

يشتركون في نفس الصفات

الشينه عمره 21سنه

مرام \طالبه في كلية الدمام تخصص علمي علم حيوان تحب ولد عمها

فيصل بس هو ولايدري

عنها...عمرها 20سنه

رهف وترف\تؤام في سنه ثاني ثانوي تخصص أدبي يدرسون نفس

مدرسة بنت عمهم سوزان

يشبهون بعض كثيير وماأحد يقدر يفرق بينهم الا بشامه على يد رهف

اليمنى...عمرهم

19سنه....

ريان\ثاني ثانوي عمره18 سنه وهو آخر العنقود



بيت بو متعب

ايه احبك هاذا حظي اللي انكتب **دربي اللي امشيه وادريبه تعب
ايه احبك وانته في عيوني سهر **وانته وسط القلب حرات وخطر
بس احبك هاذا حظي اللي انكتب **ودربي اللي امشيه وادريبه تعب
اشوف الناس في عيوني ومن بدهم اشوفك غير **واحس مثلك فهالدنيا ابد مايصر






قلبــــــــي يمه قلبـــــــــــــــــــــي !!ماأني قادر!!أحس اني قلبي

بينفجرمن كثر سرعة نبضاته

هذا أنا بس سمعت أن أختي كلمتها وبغيت أمووت أجل لو أنا سمعت

صوتها أيش بسوي!!!

وبعــــــــــــــــــــــــــــــــــــــديـــــــ ــــــــــــــــــــــن !!!

وبعدين يعني كل هذا تفكير!! مايصير!!!

متعب!!على أخر أيامك تحب! قويـــــــــه الصراحـــــــــــــــــــــــــــــــه

لا وتكتب شعر بعد!!! ياحليللك تضحك!!

آآآآآآآآآآآآآه نفسي اسمعها أو أكلمها!!بس كيف !!مدري!!

شكله سالفة الكلام غير وراده حاليا!!

ماأستحي قليل الأدب كيف أقول أبي أكلمها!!

لو أنها وحده من خواتي كان مارضيت!!مالت علي

خلاص متعب خلاص حاول تتحكم بمشاعرك على كيفك هي السالفه

تكلمها!!

هاهاهاهاهاهاهاي توني أدري أن الحب أعمـــــــــى

قال وشوا!!!قال يبي يكلمها قال!!




(بيت بو حنين)

يــارب يسهل اليوم مدري ايش بنسوي بيت عمي !! وكيف بيكون

أستقبال لهم لنا يمكن

يعاملونا أحسن معامله طبعا هذا بالأحلام او يمكن يتجاهلونا ولا كأنا احنا

موجودين !!بس

ليش أعزمونا !!معقوله علشان يبون العايله تتجتمع!!بس الحق ينقال

مرت عمي هي أطيب

وحده فيهم!!حتى مكالمتها لأمي كانت محترمه!! يارب البقيه يكونون مثلها!!

بس الخوف كله من عمتي حصه يسامحها أكيد بتذبحنا بكلامها

وبتفشلنا بعد!!! بس أنا

مستحيل ومن سابع المستحيلات أن أسكت لها اذا أساأت لأمي أو أي أحد من

أخواني...دائما هالأنسانه نواياها خبيثه جدا وماتدرين ايش تفكر فيه!!

يارب ماتجي وتفكنا من شرها ومن عمايلهاالشينه!! مدري ليش أحسن

أن

السالفه الليه مش معديه على خير !!! يستر!!

أقوم أشوف اذا اجهزوا أخواني والا لا!!بدال ماأفكر بناس مايستاهلون أصلا

التفكير فيهم...........


حنين\ها خلصتوا ؟؟

العنود\ايه بس بقى أمي تلبس سمر ونخلص...........

العنود\حنين

حنين\هلا

العنود\خــايــفــه

حنين\سكتي يخليك أنا ميته أحس روحي أتنافض من الخوف

العنود\تتوقعين وش بتكون ردة فعلهم اذا شافونا؟؟

حنين\و مدري يالعنود أحنا ماندري عن أسلوبهم ولا تصرفاتهم وأتمنى من

قلبي أنهم مايطلعون مثل عمتي الشريه حصه

العنود\عندهم بنات كبرنا؟؟؟

حنين\على حسب علمي أيه.... في بنات كبرنا هم ماشاء عيالهم

واجد.....

العنود\واذا سألوا عن أبوي وش بنقول لهم !!

حنين\لا أنشاء مايسألون عنه

العنود\بس أنت تدرين أنه يعرف أحنا بنروح بيت عمي اليوم

حنين\انشاء مايجي

العنود\ يستر

فهاللحظه دخل عليهم عمر وقالهم السياره اللي أجروها وصلت

ونادت حنين أمها وسمر وأطلعوا متجهين لبيت عمهم.........






(بيت بو فيصل)

وكانت العايله كلها مجتمعه حريم ورجال في بيت بو فيصل بس اللي كان

يفصل بينهم باب

جراركبير ...........

أم فيصل \مو كأنهم تأخروا !!

العمه حصه\بالطقاق يعلهم مايجون أنشاء

أم فيصل \حــرام عليك ليش تقولين كذه

أم زياد\وهي صادقه ليه أصلا أنتوا عازمينهم من المحبه الزايده مثلا!!!

وحبت تغير الموضوع أم فيصل\ساره حبيبتي دقي الخدم يجبيون الشاهي

ساره\انشاء يمه ............


عند البنات

ترف\بنات تهقون البنات كبرنا

ساره\اي على حسب علمي أنهم في أعمارنا

ترف\شفتيهم!حلوين؟؟

مرام \وععععع أكيد طالعين على أمهم شيون

سوزان\وش دراك أن أمهم شينه؟؟

مرام ارتكبت\بس عندي أحساس


رهف\عندهم أولاد؟؟

ساره\عندهم ولد واحد بس وصغييييير

رهف\وش فيك تقولينها كذه

ساره\لا عادي....


في السياره

سمر\ماما وين بنروح؟؟

أم حنين\بنروح بيت عمي عبد

سمر\مين عمي عبد !!

أم حنين\أخو بابا



عمر\أمي وصلنا هذا البيت .......اوه قصدي هذا القصر بيت عمي!!

أم حنين\أيه هذا هو

العنود\وااااو يجنن من بره

أم حنين\أجل اذا دخلتي داخل وش بتقولين!!

أم حنين\حنين!!

حنين\هلا يمه

أم حنين\وش فيك


حنين \لا.........مافيني شي .................بس .بس .........خايفه كثيير

أم\سموا بسم وي خلونا ننزل وانشاء ماهو صاير الا كل خير

الجميع\انشاء


الجميع قالوا في نفس الوقت انشاء لأنهم كانوا من داخل مرره

خايفين من المواجهه بس كلن

يبين العكس للثاني عشان يبعثون روح الطمأنينه في نفوسهم......

لكن صعـــــــــب صعب جدا أن يفرض عليك تواجهين ناس وترتاحين لهم وأنت أصلا ماتعرفين شي

عنهم الا انهم من أهلك

ماتعرفين وش تقاليدهم ولا أسلوبهم ولا شخصياتهم ولا حتى مين هم !!وايش سبب هالتواصل

بعد القطيعه!!

لكن الذكي واللبق في تصرفاته هو اللي يعرف كيف يتعامل مع كل

شخص حسب طريقة تفكيره

وأسلوبه علشان يوصل للشيء اللي هو يبيه وفي نفس الوقت يسبب الراحه


والطمأنينه للشخص نفسه

(بيت بو فيصل)

أول مادق جرس الفلــه

نطقت أم فيصل بكلمه وحده بس\وصلـــــــــــــوا

وكان كل الموجودين متحمسين للمواجهه والشماته والتحقييرلكن وفي

نفس الوقت ودهم يشوفون

عيال بو حنين اللي ياما سمعوا عنهم.........

طلعت أم فيصل من باب الصاله عشان تستقبل الزوار

وأول ماشافت أم حنين سلمت عليها سلام نقدر نقول أنه حار بعض

الشيء وبعدها سلمت على البنات

أم فيصل\هلا و

أم حنين\هلا فيك

أم فيصل \شلونكم وشخباركم أنشاء بخير؟؟

ام حنين\الحمد يعافيج

ام فيصل\حياكم تفضلوا..

أم حنين\ يحيك

وأول مادخلوا الصاله صار العكس مش هم اللي تفاجئوا بالموجودين

الموجودين أتفاجئوا بأم حنين وبناتها

المهم بدت أم حنين تسلم على الحريم ويوم سلمت

على العمه حصه مارضت الحقيره تسلم عليها الا بأيدها طبعا أم حنين

ردت عليها بأحلى أسلوب

وأحلى طيبه بالعالم .ردت عليها بأبتسامه تحمل طيبة الكون كله.............

(و

ماتستاهل)

لكن يوم سلمت حنين على عمتها ماسوت نفس أمها

ردت عليها بنظرة تحدي واستحقار لأن اللي بين حنين والعمه شي خيال

شي ماينوصف شي خلا

حنين تجيها حاله نفسيه بسسب عمتها الحقيره اللي ماتخاف من ربها

ومستحيل حنين تنسى الموقف اللي صار بينها وبين عمتها لأن هذا

لموقف خلاها تصيح بدال

الدموع دم بسبب ألألم اللي عاشته حنين في هذيك الأيام ........... لا يعودها من

أيام..........



أم عند البنات فشي ثاني تماما شي ماينوصف كل البنات كانوا مسوين

نفس الحركه

تدرون وش الحركه !!!

كانوا كلهم فاتحين عيونهم و فهم على الآخـــــــــــــــــــــــر

مش مصدقين ان هذيلا البنات بنات عمهم

لأن كانت العنود وحنين ماشاء عليهم آيـــــــــــــــــــــــــــــــــه في

الجمــــــــــــــــــــــــــــــــــــــــــــال

صدق يأخذ ويعطي عطى ناس المال والغنى وعطى ناس جمال

رباني

هذا طبعا غير كشخة العنود وحنين وسمر اللي غطت على

القـــــــــــــــــــاعدين كلهم

ابدا ماتوقعوا ان عندهم بنات عم جميلين بهدرجه...............

ترف بصوت واطي جدا\ ياخذها تجنن

مرام \أسكتــــــــــــــــــي فضحتينا

سوزان\كأن عمرها ماشافت خير

رهف\بس و ماألومها.................انـــــــــــــــــــــــ ا عن نفسي ماني قادره أنزل عيني من

البنات

سوزان\الا صح وش اساميهم ؟؟؟؟؟؟؟؟؟؟

ترف\ياليتني أعرف أيش أسم اللي لابسه أحمر تهبل........(.تقصد العنود)

رهف\لا أنا أبي أعرف أسم اللي لابسه وردي شكلها رزه.....................(تقصد حنين)

ساره\شكلكم معجبين يالأخوات!!

رهف+ترف\شكلنـــــــــــــــــــــــــــا كذه


العنودبصوت واطي\أقول حنين

حنين بنفس الصوت\نعم

العنود\في شكلي شي غلط!!

حنين\ليـــــــــــــــــــــــــــــــه!!

العنود\و مدري أحس ان في شكلي شي شين

حنين\ليه تحسين بهالأحساس؟؟

العنود\يعني امانه عليك ماتشوفين كيف الجالسين مرصصين عيونهم علينا

حنين\أي و في هذه أنت صادقه............



في الصاله الثانيه

خالد\من وين مطلع الأخ هالجمال اللي يشوفه يقول امه ياسوريه أو يا أمه سوريه

نواف\لا عاد تكفا كأنك جبت شي جديد ....ويقلد كلامه اللي يشوفه يقول ياأمه سوريه أو يا امه

سوريه

خالد\عاد أنت ووجهك خذ وخل من كلامي نصه مش مفهموم

نواف\أحــــــــــــــــــــــــــــــلف

خالد\واللــــــــــــــــــــــــه

نواف\عاد أنت ماتصدق الحلف عندك زي شرب المويه

خالد\طالع عليك ياولد العم

فيصل بصوت واطي\ انت وياه فضحتــــــــــــــــــونا قدام الولد تتساسرون كأنكم عجايز

ريان\أقول عمر أنت في أي سنه؟؟

عمر\أنا في ثاني ثانوي علمي

ريان\تصدق عاد نفسي أنا في ثاني ثانوي علمي

عمر\و

ريان\أي و.......... أجل خلاص من اليوم ورايح بنصير أصدقاء

عمر\ياليت و........ لأني أنا مفتقد هذا الشيء

ريان\ليه أنت ماعندك أصدقاء بالمدرسه!!

عمر\عندي بس ماتتعدى الصداقه نطاق المدرسه


الجزء العاشر

بيت بو فيصل



ساره\بنات بقولكم شي أسمعوني


ترف\نسمعك تكلمي

ساره\ماتلاحظون أن شكلنا غلط ..احنا في جهه والبنات في جهه ثانيه

مرام \و اذا مو عاجبينك روحي أقعدي معاهم

سوزان\صادقه مرام اذا مو عاجبينك روحي أجلسي معهم

رهف\وليه أحنا مانجلس مع بعض...مش هم بعد بنات عمنا

مرام\وععععع مابقى الا أجلس معه هالأشكال

ساره\ليه وشفيهم هالأشكال مالهم رب يعني!!


مرام وباستهزاء\انا ماقلت كذه واذا أنت ميته عليهم روحي لهم ماأحد ضربك على أيدك وقالك أجلسي معنا








حنين بصوت واطي\ أقص أيدي اذا ماكانوا يتكلمون عنا.........

العنود وبنفس الصوت\وأنا أقص رجولي الثنتين أذا ماكانوا يحشون فينا

حنين وفيها الضحكه\الحمد لله والشكر علينا كنا بزارين قمنا نقصص بعمرنا

من الزهق..

العنود\أي و من الزهق ...اللي يشوفنا يقول كأن حنا جالسين في

الفصل وداخله علينا موجهه وأحنا عشان مانفشل أبلتنا جالسين مؤدبين

وملتزمين الهدوء ...بس و المدرسه أرحم من هذا العذاب



حنين\أقول أسكتي كأن ساره جايه عندنا


وبالفعل ساره جتهم وجلسوا يسولفون شوي مع بعض

وارتاحوا لها وهي بعد ارتاحت لهم كثييير

ساره\بنات شرايكم تجلسون معنا عشان نتعرف على بعض أكثر


العنود\ياليت و ترانا ميتين زهق

ساره\مدام كذه ي تعالوا معنا.................


والا حنين عندها راي ثاني

حنين\لا و مو القصد هذا بس أنخاف نثقل عليكم

ساره\أفا ماهقيتها منك ياحنين.....بالعكس البنات ودهم يتعرفون عليكم


حنين\أوكي ي




مرام بقرف\ويــــــــــه شكل أختك الخبله بجيب البنات عندنا

سوزان\ياربي لا تقولين تسويها و أختي صايره شريفة مكه

ترف\وش فيها اذا جاو عندنا بالعكس وناسه

مرام\اسكتي يخليك امحق وناسه




ساره\بنات اعرفكم على بنات عمنا

حنين والعنود

الجميع\أهلين

حنين+العنود\هلا فيكم

ساره\حنين العنود هذه أختي سوزان في ثانويه عامه وهذيلا بنات عمي

عبد الهادي

مرام في الكليه ورهف وترف في ثاني ثانوي

حنين+العنود\تشرفنا

وساد الصمت بين البنات

ترف بصوت واطي\ياربي بمووت العنود تهبل

رهف بابتسامه\لا حنين احلى

وحبت ساره تقطع هالصمت

ساره\وش فيكم تبتسمون ضحكونا معكم

ترف\لا عادي نتكلم عن وحده معنا في المدرسه حلوه كثيير والبنات معجبين فيها

العنود\انا مدري ايش في هالبنات على هالأعجاب كل وحده تشوف بنت حلوه

وشخصيه وتقول انا معجبه فيها و يضحكون هالبنات

رهف\طيب عادي مافيها شي هذه الموضه هالأيام

ساره\مالت على هالموضه اللي تعرفونها .........أستغفر اصلا هذا شذوذ والعياذ

ب

مرام تصاصر سوزان\ماقلت لك اختك صايره شريفة مكه.. يعينك عليها

سوزان\صحيح و مزهقتني كل ماتشوفني تغط علي ذيك المحاظره الممله

والنصايح اللي ماتخلص




وبعد السوالف والسؤال عن الحال حطوا العشاء وقاموا الحريم يتعشون



على طاولة الطعام

العمه حصه\أقول حنين اكلي حبيبتي شكلك أنت مره ضعفانه..اللي يشوفكم يقول

ماعندكم أكل بالبيت....

ساره\بالعكس ماشاء على حنين جسمها مره روعه كانها عارضة أزياء

حنين حبيبتي خليك كذه دايم لاتزيدين ولا تنقصين

العمه حصه\لايكون حاطينك وكيل على العنود وانا مدري....أو لا يمكن حنين صوتها

مختفي ..........أكيد مريضه ...شكله ماعندكم في البيت بطاطين ثقيله اذا ماعندكم

قولي لي وانا أعطيكم....



العمه حصه تفكر ان حنين ماردت عليها لأنها خايفه منها أويمكن مافيها على لسلنها

بس ماتدري أن هذا الهدوء قبل العاصفه

العمه حصه\ماقلت لكم صوتها رايح فيها من البرد...مسكينه

وهنا حنين خلاص وصلت عندها توها بترد وبتسويها خناقه لكن في شي خلها

تسكت وترد بصوت هادي ومرتاح وهذا الشي انها شافت وجه امها وهي تطالعها بنظره

كأنها تترجها أنها تسكت وماتتكلم عشان ماتصير سالفه كبيره





حنين بسخريه وبصوت هادي\تصدقين عاد ياعمتي...ان توقعاتك صحيحه ..أحنا مره

مساكين!!الأغطيه اللي عندنا يادوووب تكفينا..تصدقين عاد حتى لقمة العيش

بالمووت نحصلها بعد جهد جهيد وتسد جوعنا

لكن ياعمتي الكريمـــــــــــــه ألف الحمد لله والشكر مستوره والحمد لله

عطنا اهم وأغلى شي في الدنيا

عطانا قلب صافي وروح طيبه وأي وقت نحس بالخوف والحزن والنقص


على طول نرتمي في حضنها عشان ننسى كدر هالدنيا وهمومها








عطانا ام مافي مثلها بهالكون كله



وأتوقع مهما كانت ملاذ الدنيا كثيير ه وممتعه




أحنا سعادتنا في قلب أمنا الطيب اللي مايعرف الحقد والكراهيه ...........


طبعا العمه حصه حست أنا وجهها مغطوط ولا قدرت تنطق بأي حرف ومره متفشله

من الكلام اللي ان قال تدرون ليه!!!!!!!!!!!

لأنها تدري أن مستحيل تحصل ربع السعاده والأمان اللي عايشينها عيال أخوها

لأنها للأسف ماتت أمها وهي صغيره ...

والسبب الثاني أنها ماتزوجت ولا جربت طعم الأمومه ...

وبكذه حنين عرفت كيف تضرب على الوتر الحساس!!!

لكن لا تفكرون ان قلب العمه حصه تأثروالا أنجرح!! لا و هيهات هذا القلب يتأثر

وهو كله حسد وحقد وخبث....


أم فيصل\ يخليها لكم ذخر انشاء

أم حنين\ويخلي كل أم لعيالها انشاء

أم فيصل\آميــــــــــن

أم حنين\الحمدلله أكرمكم

أم فيصل\وين!!ماكلت شي

أم حنين\لا الحمدلله يعافيكم ماقصرتوا

وقاموا بعدها الكل..


وبعد العشاء

الساعه:11:1


عند الشباب

خالد\أقول عمر ماتبي تدخل تسلم على عمتي حصه

عمر\الا طبعا أكيد بدخل.........أمممم بس هو في حريم كثيير

فيصل بابتسامةخبث\ليه السؤال .........ودك يعني!!

عمر\لا حرام عليك ليش نواياك سيئه أنا أقصد أني أستحي أدخل على الحريم

نواف\لا عادي تطمن أحنا بندخل معك عشان نسلم

عمر\ايه زين كذه أحسن

فيصل\ي سرينا

الصاله

فيصل\أحم أحم

سوزان\أدخل فيصل



طبعا حنين والعنود مايدرون ان الأولاد أدخلو ا الا لمن شافوهم وعلى طول حطوا

الطرحه على وجيهم لكن بعد ايش الأولا د شافوهم وخلصوا ولا أحد نزل عينه عليهم..الا زياد نزل عينه لأنه مش مثلهم عينه زايقه

ملا حظه(البنات ماكانوا يتغطون عن عيال عمهم بس يتحجبون لكن حنين والعنود تغطوا لأنهم يعتبونهم غرباء)





وأول ماشاف فيصل حنين انهبل وتيبس في محله وماقدر حتى يشيل عينه من عليها

حتى يوم لبست النقاب جلس يطالع فيها وهو مبهت من اللي شافه

وايضا البقيه خالد ونواف أنهبلوا على البنات وعطوا طاف كبير لبنات عمهم الثانين


وبعدها سلموا الشباب على العمه وعلى أم حنين وسلم عمر على عمته حصه وابتسمت

له حصه بس على طول أختفت الأبتاسامه في وجه العمه يوم تذكرت منهي أمه

وأخته..

خالد\ها عمتي شخبارك !!

العمه\الحمد لله أنتوا ايش مسوين ياعيالي

الشباب\الحمدلله

العمه\فيصل ..شفيك منت معنا


فيصل\ها ...لا معك عمتي

العمه\ايه واضح أنك معنابس ترى حنا في الجهه اليمنى مش اليسرى

فيصل وانتبه على نفسه\افا ياعمه أدري أنك هنا كل هالنور وماأحس..مايصير



خالد\يلعنها تجنن ماني مصدق أنها بنت عمي

نواف\فضحتنا قصر حسك صوتك واضح

خالد\يعني تبيني أشوف هالزين وأسكت مستحيل....


العنود\مالت عليهم شوفي كيف يطالعونا اللي يشوفهم يقول عمرهم ماشافوا خير

حنين\كلهم كوم واللي لابس غتره بيضه كوم ثاني.أحس أنه شوي وعيونه تطلع


(تقصد فيصل)

العنود\أي و صادقه

مرام\سوزان شوفي أخوك كيف يطالع الزفته حنين بياكلها بعيونه

سوزان\ماعليك منه هو بس أول مره يشوفهم ...عشان كذه مستغرب

والا ايش جاب الربيع للخريف

مرام\ يستر!! أخوك شكله مايطمن



أم حنين\ي عمر تأخرنا

أم فيصل \وين تو الناس

أم حنين\لا وش تو الناس تأخرنا كثثير وأنتوا بعد ماقصرتوا جزاكم خير ...ي

بنات

حنين\ساره أشوفك على خير ولا تقاطعينا ترانا عيال عم..ورقمي حفضيه لاتنسينه

ساره\أكيد مش مقاطعتكم وبجيكم بعد

حنين\حياك في أي وقت. مع السلامه

وطلعت أم حنين مع بناتها...وبعدها بشوي طلعت أم زياد والعمه حصه لبيتهم







بيت بو حنين

الصاله

ام حنين\ها يابنات ايش رايكم بعيال عمكم

العنود\الصراحه كلهم شايفين نفسهم مدري على ايش

حنين\لا حرام عليك لا تعممين ساره غير عنهم كلهم..ماشفتيها كيف تعاملنا

أم حنين\ماشاء عليها طالعه زي أمها لو عمركبير كان زوجته لــساره

عمر\لا تكفون طلعوني من الحسبه أنا صغير على الزواج

العنود بابتسامة خبث\صغير على الزواج والا في بالك شي ثاني

عمر\لا مافي شي في بالي أرتحتي!!

حنين\متأكـــــــــــد!!!!

عمر\أوهــــــــــووووا وبعدين يعني ليش مخليني حديث المجلس غيروا الموضوع

العنود\أوكــــــــــي عشان بس عيون ناس بنغير الموضوع

عمر\أحســــــــــن

ام حنين\وأنت عمر الولاد كيفهم معك

عمر\الصراحه يمه عاملوني احسن معامله واللي جلست معاه اكثر شي ريان لأنه

كبري..اما البقيه كبار علي..عشان كذه ماحتكيت فيهم كثيير

أم حنين\عسى هالزياره فال خير علينا جميعا


الجميع\انشاء



اليوم الثاني


روابي\هلا هيوفه

هيفاء\أهلين روبه

روابي\مالت عليك وش روبه ذي بعد أكيد متعب قالك عنها

هيفاء\هذا أنت قلتيها متعب علمني هالعياره بس تصدقين تلبق عليك هاهاهاهاي

روابي\ضحكي أيه ضحكي يعل ضروسك تطيح قولي آمين

هيفاء\ويه بسم علي انشاء الحسودين ...

روابي \ومين الحسودين ياأخت هيفاء

هيفاء\و هم عارفين نفسهم

روابي\المهم ماعلينا شخبارها أمي وشخبار أخواني

هيفاء\أيه تهربــــي من السؤال بس ي عادي وأهلي بخير والحمد لله ويسألو ن عنك
بعد

روابي\تسأل عنهم العافيه انشاء

هيفاء\ شلونك مع الزهق!!

روابي \و مدري ياهيفاء ممل بشكل فضيع ودي أجيكم وعيالي مراضه مزكمين وحالتهم حاله

وصخونه فضيعه

هيفاء\ يعينك مدري كيف أنتي متحمله لو أنا منك كان حطيت عيالي عند نايف

وماطقيت لهم خبر

روابي\أيه أنت تقولين كذه بس لو تزوجتي وجبتي عيال راح تعرفين معنى هالشيء

هيفاء\لا أنا مش متزوجه الا بعد 6سنين

روابي\وايش معنى 6 سنين

هيفاء\بس علشان أخذ حريتي وراحتي ولا يجيني زوج وعيال يتأمرون علي

روابي\أيه أنتوا بابنات هالأيام تقولون كذه بس أذا سمعتوا طاري الزواج أنخبصتوا

واتفاجئتوا وتسون روحكم مؤدبات ورقيقات,...لأنكم بتتزوجون


هيفاء\ليه أنت كنت كذه!!

روابي\أيــــــــــه كنت كذه اسوي نفسي رقيقه واستحي


هيفاء\طيــــــب بعلم عليك زوجك

روابي\روحي علمي تفكريني بخاف يعني!!

هيفاء\بعـــــــــــد ماتخافين وتردين صج تزوجتي وخرفتي

روابي\أيــــــــــه ايش مفكره بظل هاديه وخجوله



هيفاء\حرام عليك بتخربين أفكاري وانا توني صغيره خليك قدوه حسنه لي

روابي\لا مالاداعي أمي تكفي صيري مثلها لو علي أنا بخرب عقلك وبقولك الأشياء الشينه عن الزواج

هيفاء ةبدت تخاف من تفكير أختها\من صجك تتكلمين

روابي وتضحك\هاهاهاهاهاها ي و أنك هبله وبسرعه تصدقين لا طبعا تراني

أتغشمر معك لاتقلبينها جد

هيفاء\ويه الحمد لله تدرين أني شوي وبصدق أن هذا تفكيرك عن الزواج ...

زين انك أعترفتي والا كنت خذت عنك فكره سيئه

روابي\لا شدعوه امزح!!!!!!!!!! وبعدين ماتعرفين تفرقين بين الصح والغلط

هيفاء\طبعا أعرف بس أنت تلخبطين الواحد

روابي\أوكــــــــــــــي حبوبه ماأطول نايف بيجي الحين ولا زم أسويله العشاء

هيفاء\ماأقدر على اللي بيسون العشاء ها ه بالطباخ السنع

روابي\افا عليك أعجبك أنا

هيفاء\أيه ماشاء عليك طالعه علي

روابي\ياويلي على الوثوق .اقول بس
مع السلامه

هيفاء\مع السلامه


بيت بوحنين

حنين\شوفوابنات الأمتحانات على الأبواب ولازم كل شي تركزون عليه لأنكم ثانويه

عامه وماتدرون يمكن حتى الأشياء اللي محطوطه على الهامش تجيبها الوزاره عشان

كذه أبيكم من اليوم تراجعون اللي عطيتكم أياه واي حاجه تبونها سألوني o.k

مريم\طيب أستاذه تتوقعين يجيبون الوزاره أسئله من نموذج الدور الثاني


حنين\أكـــــــــــيد يبيلها هذه كلام

سميره\بس الأسئله مره صعبه والصراحه أنا ماعندي أجوبتها بس عندي النماذج

حنين\خلاص حبايبي مايصير خاطركم الا طيب أفرزوا أوراق النماذج كلها وحطوا

الأسئله اللي تبونها في ورقه وعطوني اياها وانشاء أنا في خلال يومين أعطيكم


أجوبتها طيب!!

مريم\مشكوره كثيير

حنين\ولو انا أقوم بالواجب...لاتقولين مشكوره ثانيه ..طيب الحين أحنا خرجنا عن

ناطق الدراسه وقمنا نسولف بأمور جانبيه والوقت كذه بيروح عليكم...ي بسرعه

حلو هالمسأله وبنشوف منوا أسرع وحده



الصاله

سمر وتصيح\ماما شوفي الباربي حقتي فستانها أنقطع

ام حنين\طيب خلاص حبيبتي اذا رحت السوق بشتريلك وحده غيرها

سمر وهي تصارخ\لالالالالا مابي مابي أبي هذه حقتي مالي شغل ليه أختربت

العنود\و ماأحد قالك تاخذينها معك وانت تتسبحين بزعم أنها وصخه وتبين

تسبحينها

سمر وتصيح بصوت عالي\أبي باربي أبي باربي حقتي ليه أختربت .مالي شغل ماما

صلحيها

ام حنين\وشلون أصلحها خلاص اختربت

سمر\مالي شغل خيطي فستانها

العنود وهي تضحك\الحمد لله والشكر صج بزر

سمر\أمــــــــــي شوفي عنود تضحك علي

أم حنين\يالعنود تكفين لا تضحكين و راسي مصدع

العنود\هاهاهاهاهاهاهاهاهاهاهاهاهاي ويـــــــــه بزر ههاهاهاهاهاهاهاي بزر ه

تصيح هاهاهاي

وسمر يوم شافت أختها تضحك عليها اكثر أستمرت بالصياح أكثر من أول وماعرفت

أمها كيف أتسكتها..وماسكتت الا لمن جابت امها لها أبره وخيط وخيطت الفستان حق

الباربي

ام حنين\خلاص أرتحتي الحين وهذا الفستان وخيطناه لك ومش شاريه لك باربي ثاني

العنود\استغفر على دلع البنات هالأيام.. لا يبلانا

سمر وهي تمش دموعها\مــامــا

أم حنين\نعم حبيبتي

سمر\ابي باربي ثانيه

أم حنين\وليه انشاء ....وهذا الباربي وخيطنها لك وش تبين بالثاني

سمر\أبي وحده تصير أختها

العنود\وليه بعد يكفينا وحده اذا جبنا ثانيه بنبتلش فيهم

سمر\طيب اذا أنا كبرت ورحت الروضه مين يجلس مع الباربي حقتي بعدين تصيح


العنود\هاهاهاهاهاهاهاهاهاهاهاهاهاهاهاهاههاي

أم حنين\ يلحقنا خير على هالروضه

العنود\موقلت لك يمه دلع بنات بعدها بتقول ابي خدامه للباربي حقتي!! مين

يسبحهم ويأكلهم اذا كبرت ورحت المدرسه,,,,,,,,,,,هاهاهاهي يعطينا العقل


أم حنين\و أني بستخف اذا جلست معكم خليني أشوف العشاء أحسن لي

العنود\يمه خذيني معك ماني ناقصه ضحك زياده أخاف أموووت من الضحك على

بنتك الخبله

سمر\أنت الخبله

العنود\وأنت البزره

سمر وبدت تصيح\ماما شوفيها

العنود\ماما شوفيها

سمر\أنا ماأحبك

العنود\وانا بعد ماأحبك

ام حنين وبعصبيه\عنود روحي ذاكري في غرفتك وفكيني من هذرتك ترى راسي صدع

العنود\خلاص يالغاليه بروح وبفكك من شري ســـــــــــلام

ام حنين\وانت اجلسي وفكينا بروح انا المطبخ



بيت بولافي\

الصاله

أم لافي\لافي يمه تقدر تروح بيت عمتك أم حنين

لافي\أكيد أقدر أروح بس ليه تبيني اروح

أم متعب\أبيك تودي شوية أغراض لعمتك هي تبيها

لافي\انشاء أنت تأمرين أمر يالغاليه بس بروح أبدل ثيابي وأجيك

يوم نزلت ريم من الدرج شافت لافي يركض في الدرج وسألته أشفيك تركض

بس هو ماعطاها أي أعتبار وراح عنها

دخلت الصاله وشافت أمها

ريم \أمــــــــــــي وشفيه لافي يركض كذه

أم لافي\مافيه شي راح يبدل علشان بيروح بيت عمتك أنا موصيته على أغراض

ايوديها

ريم\أهـا السالفه فيها عمتي .........طيب يمه حبيبتي قلبي أنت ممكن أروح معه؟؟

أم لافي\وليه ماتقرين في البيت وتقابلين دروسك

ريم\يمـــــــــه عفيه يخليك خليني أروح معه صدقيني ماعندي شي بكره

ووجباتي حليتهم.عفيه يمه

أم لافي \طيب فكينا من حنتك واذا رضا بخليه يوديك

ريم وراحت وحبت راس أمها\أمووت فيك أنا ياجميل

ام لافي\بس هذا اللي فالحه فيه وخري عني أشوف

ريم \ياحليلك وانت معصبه يمه


لافي\هايمه وين الأغراض

أم لافي \روح أنت وانا بخلي الخدامه توديهم لسيارتك...اه صح ود ريم معك

ام لافي\لالا يمه هي كل مره ترز وجهها بيت عمتي ..زهقوا منها

ريم\يمـه شوفيه

أم لافي\ بس هالمره خليها تروح معك

ريم\تكفـى لافي تكفـــى




وبعد تفكير

لافي\بسرعه لبسي عباتك والا و لروح عنك

ريم\ثواني وأكون بالسياره


راحت ريم تجيب عباتها وعلى طول لبستها وركبت السياره

وشوي والا هم واصلين بيت عمتهم