دوره المكياج ((دروس نظريه)).. ونصائح

[ندعوك للتسجيل في المنتدى أو التعريف بنفسك لمعاينة هذه الصورة]

أولا>>>>>

طريقة الظل اللون الواحد...!!!

بأستطاعتك استخدام هالنوع من الظل..للصباح..او الأوقات العاديه

أذا أردتي ان تجعلي من طريقة لون الظل الواحد بالطريقه الداكنه..
ماعليك ألا أن تزيدي من حدة اللون..وتكرري بأن تضعي نفس اللون عليه بدرجة أغمق!!!
وسوف تكون النتيجه..لون اكثر وضوحا وغامقا...!!

ثانيا >>>>
في بعض انواع الشدوهات لما تشترينها واتجربينها ع يدج يصبغ اللون..ولما ترجعين البيت واتجربينه
للأسف..يطلع العكس...لكن لاتقطينه وتتنازلين عنه!!!

آنا عندي لج الحل...!!!!

في ناس تشتري مثل ماده سائله تنباع في في احد الصالونات..وفي ماركة فور ايفر..!!!
لكن ليش التكلفه....!!!

الله عطانا نعمه..وهي متوفره بكل بيت..( الماء) وفري فلوسج..
الماي احسن حل..بللي الفرشاه بشوية ماي..ومرريها ع الشدو..وجربيه ع ايدج..!!
بتلقين الشدو صبغ ع يدج!!!

حركه مضمونه..انا جربتها!!!!
وهذه تجربتي لها!!!

اولا..جبت نوع من الشدو اللي مستحيل يصبغ لوايش!!!

وجبت فرشاه..وشوية ماي!!!
[ندعوك للتسجيل في المنتدى أو التعريف بنفسك لمعاينة هذه الصورة]

وهذه النتيجه ع ايدي!!!
[ندعوك للتسجيل في المنتدى أو التعريف بنفسك لمعاينة هذه الصورة]
=========
ثالثا >>>>>

[ندعوك للتسجيل في المنتدى أو التعريف بنفسك لمعاينة هذه الصورة]

علشان اتحافظين ع فراشيج نظيفه..لوقت طويل..يمكن البعض يحب يشتري معقم ومطهر الفراشي..
وسعره 100 وزود..لكن عندي لج الحل الأمثل!!!!

[ندعوك للتسجيل في المنتدى أو التعريف بنفسك لمعاينة هذه الصورة]

أستخدمي مناديل تنظيف الوجه من المكياج... ونظفي فيهم الفراشي!!!!

أولا .. مارح اتضر عينج وبشرتج..لأنه المناديل مخصصه للبشره..!!!
وثانيا..راح تتنظف الفراشي بكل سهوله وبكل سرعه!!!

وهذا لليوم..وأن شاءالله لنا عوده للدروس النظريه!!!![ندعوك للتسجيل في المنتدى أو التعريف بنفسك لمعاينة هذه الصورة]

بعض من اسئله الاخوات للأخت اصايل ..

1. بالنسبة للفاونديشن شنو احسن احطه بفرشاه أو باليد ؟
شوفي اختي الغاليه..

انا من كثر ماأستفسرت وسألت ع ايام الدوره..لقيت انه الحل الأمثل لتوزيع الأساس بالفرشاه.واصابع اليد..بس الفرشاه أفضل !!!

.ليش..لأنه الفرشاه ميزتها انها اتوزع الأساس بطريقه جيده..وحتى الأسفنجه مانقدر تستغني عنها في التوزيع..لأنه اذا لاحظتي وانتي تستخدمين الاسفنجه..ماتلاحظين انها تمتص الاساس..يعني انه الأسفنجه اتساعدج بأمتصاص الزوايد من الأساس اللي ع الوجه في بعض المناطق اللي كثرتي منها الاساس....
يعني حلو أستخدامج للفرشاه واليد

2. طريقة الظل اللي لون واحد .. اذا حطيت بيس قبل لا ابتدي الشغل

هل راح يأثر على درجة اللون اللي حاطته ؟ لان مرات لما احط لون
اشوفه غير لونه مب مثل اللي بالباليت .. هل ممكن يكون بسبب البيس؟
للعلم البيس لونه بيج فاتح ..؟؟!!

أختي انتي اذا حطيتي البيس ع بشرتج..لازم اتريحين البشره 5 دقايق تقريبا حتى تمتص البشره المرطب..وبعدين..بعد البيس لازم اتحطين الكونسيلر ع دار مدار العين.... لأنه المعروف انه الكونسيلر يثبت الاي شدو..لفتره طويله.وهم يثبت الاساس...!!!
ونوع البيس اللي عندج وايد مناسب لبشرتج..لأنه يرطب البشره ويحميها فتره طويله..وحتى يحمي بشرتج من الميك اب ويعطيج اضاءه..وغير هذا يحميها من عوارض الجو من الشمس وغيره..

وفي انواع من الشدو..انتي اتشوفينه لونه حلو..واتحسين يثبت بسرعه..لكن مع الاستخدام يطلع العكس..أذا حسيتي انه اللون طلع
باهت غير اللون الأصلي..

جربي طريقة اتحطين عليه نفس اللون مره ثانيه..واذا حسيتي مافاد..
جربي طريقة انج اتبللين الفرشاه بشوية ماي,,وبطريقة الطبطبه ع الظل نفسه..وجربي هالطريقه وانا انتظر ردج..!!!

وآنا راح اعطيكم درس نظرى..جدا رائع انا عطتني الوصفه خبيرة تجميل ..وجزاها الله بالخير..بالفعل ماقصرت
وحتى احد الأخوات استفادت منه..!!

[size=25]3. الكونسيلر اي درجة اختاره ؟ [/size]

الكونسيلر أحيانا يتم أختياره ع حسب لون البشره و البعض يقول اي نوع نحطه ويمشي الحال

هذا أكبر خطاء...!!

ليش!!!!!!

لأنه كل بشره لها درجات لون معين..

نصيحه مني..ياليت يكون عند كل بنت كذا نوع من درجات الكونسيلر..!!!

وبعدين تختارين الكونسيلر ع حسب درجة بشرتج..والأفضل هالطريقه..تستخدمين الكونسيلر اللي افتح من لون بشرتج بدرجه او درجتين من الفاونديشن..ليش!!

ساعات لما اتحطين كونسيلر بنفس درجة بشرتج..وبعدها اتحطين الفاونديشن.المقارب جدا ايضا لنفس لون بشرتج...ماتلاحطين كأنج ماحطيتي كونسيلر.ويبين السواد او الشغلات اللي كنتي تبين تخفينها..
معنى تاخذين لون افتح بدرجتين او درجه..منها يعطيج أضاءه حلوه..!!

فاختاري الكونسيلر بدرجة مايله للون الأصفر حتى يتناسب مع لون بشرتج
وتقدرين تستخدمين الكونسيلر قبل الاساس وبعد الأساس!!!

وانا أفضل كونسيلر بن ناي....أولا يحتوي ع درجات مختلفه
..ويساعدني وايد في في التغطيه لكل قسم بالبشره..
سواء العين او الأنف او الجبين وغيره!!
والكونسيلر له درجات..مو ع اساس نوع البشره..درجاته
ع أساس يخفي العيوب أو لأضافة لمسات

[ندعوك للتسجيل في المنتدى أو التعريف بنفسك لمعاينة هذه الصورة]

انا افضل كونسيلر ماركة بن ناي + فور ايفر

الصراحه التعامل مع هالماركتين جدا راح يريحج..واكثر خبيرات التجميل يستخدمون ماركة فور ايفر..!!
انا عن نفسي استخدم بن ناي..

[ندعوك للتسجيل في المنتدى أو التعريف بنفسك لمعاينة هذه الصورة]

وعندج هذا النوع ع شكل علبة شدو..انا أشوفه جدا رائع في الأستعمال
يصلح للأستعمال الشبه دائم

[ندعوك للتسجيل في المنتدى أو التعريف بنفسك لمعاينة هذه الصورة]

شنو نوع الفرشاة اللي تستخدمينه في توزعين الشدو على جفن العين و شدو الاضاءه تحت الحاجب؟؟

اولا للأضاءة..علشان تبين الظل يثبت بطريقة حلوه..عليج بفرشاة
الأسفنجه..وايد حلوه لتثبيت الأضاءه..

وعشان تتوضح الفكره اكثر..!!!

.. هذه كذا طريقه لتوزيع الكونسيلر..

[ندعوك للتسجيل في المنتدى أو التعريف بنفسك لمعاينة هذه الصورة]

تقدرين بكذا طريقه اتحطين الكونسيلر..

=======

فرشاة الأضاءه..خبيرة التجميل.ايمان السيد تستخدم للأضاءه الفرشاه الاسفنجيه لأنها مريحه جدا في الاستخدام.. ومن النوع اللي يثبت المكياج
وانا بعد افضل استخدامها..شوفي هالأنواع..
هذه الفرش تستخدمينها للأضاءه..وللجفن المتحرك

[ندعوك للتسجيل في المنتدى أو التعريف بنفسك لمعاينة هذه الصورة]

وهذه فرشاه توزيع الأساس ( الفونديشن)

[ندعوك للتسجيل في المنتدى أو التعريف بنفسك لمعاينة هذه الصورة]
وهذه بعض الأضاءات

[ندعوك للتسجيل في المنتدى أو التعريف بنفسك لمعاينة هذه الصورة]
وانا اخترت هالأضاءه للتجربه..!!
[ندعوك للتسجيل في المنتدى أو التعريف بنفسك لمعاينة هذه الصورة]

وهذه لونه ع يدي..عن طريق فرشاه الاسفنجه..
تتوزع بسهوله وتثبت..

[ندعوك للتسجيل في المنتدى أو التعريف بنفسك لمعاينة هذه الصورة]

يتبع......

وهذه الفرشاه لتوزيع الشدو اللي بالوسط بين الجفن متحرك
والثابت..اللي يجيج شكلها من فوق نص مثلث

[ندعوك للتسجيل في المنتدى أو التعريف بنفسك لمعاينة هذه الصورة]

وهذه فرشاه الدمج الصغيره..
ترى فرشاة الدمج نوعين كبيره وصغيره..

وتقدرين بعد بستخدامها اتثبتين الشدو ع الجفن متحرك..

[ندعوك للتسجيل في المنتدى أو التعريف بنفسك لمعاينة هذه الصورة]

واهني شوفي للتجربه كيف اتوزعين اللون

[ندعوك للتسجيل في المنتدى أو التعريف بنفسك لمعاينة هذه الصورة]

واهني جربت لج طريقة الدمج بالفرشاه الصغيره

[ندعوك للتسجيل في المنتدى أو التعريف بنفسك لمعاينة هذه الصورة]

وتقدرين بعد تدمجين اللون بالفرشاه الاسفنجيه..

[ندعوك للتسجيل في المنتدى أو التعريف بنفسك لمعاينة هذه الصورة]

بأي فرشاة بتوزعي الفاونديشن عالوجه؟؟ وبالنسبة للكونسيلر فيه منه الوان يعني اخضر وبني وبيج فكل لون شو استخدامه؟؟

هلا فيج اختي الغاليه

هذه فرشاة توزيع الاساس

[ندعوك للتسجيل في المنتدى أو التعريف بنفسك لمعاينة هذه الصورة]

واحسن نوع اللي اتجيج الناعمه..والثابته..
لما اتروحين ابتشترين الفرش..اخذي الفرشاه وامسكي
راس الشعر واسحبيها اذا الشعر طلع وتلامس اصابعج..يعني من النوع الردئ..واذا ماطلعت والاشعره..معناه من النوع الجيد!!

واذا تبين فرش طويلة الأمد واطول معاج..عندج فراشي مكياجي
حاليا عليهم عروض اعتقد اللي 12 حبه سعرها بــ200 ريال
واللي 24 حبه بــ400 ريال.. وعندج فراشي ماك..وبن ناي
هذه أحسن الأنواع..

وبالنسبه لأنواع وألوان الكونسيلر..
انا بعطيج طريقة استخدامي لكل لون ونوع...

عند اللون الاخضر>>>> هاللون اذا كانت بشرتج فيها حبوب يساعدج ع تغطية هالحبوب الحمره

عندج اللون البني>>>>> انا استخدمه في الشيدينق اصغر فيه الانف والجوانب واستخدمه اذا ساعات سواد تحت عيني او طبقات اتعامل مع هاللون بس ابشي خفيف موثقيل..لانه شوي لونه غامق.واذا كثرتي منه راح يوضح اللون ويبرز.!!

عندج البيج الفاتح >>> هذه النوع للهالات السوده اللي تحت العين بدرجه فضيعه..وموشرط السواد لومثلا عندج اقسام في وجهج مثل بقع تقدرين تستخدمين هاللون عليها..

اما عندج اللون بين بيج واصفر كانه حليبي ع الفاتح>>> انا استخدمه في اللايتينق عند الخشم..شفتي وين عظمة الخشم ع طوله..جذي يبرزلج طول حلو ع خشمج.. وتقدرين اتحطينه بعد ع كذا منطقه بالوجه عشان يعطيج اضاءه حلوه للوجه..

عندج البيج الغامق >>>هو بيج ع برتقالي تقريبا تقدرين تستخدمينها بعد ع الهالات السوده..او اذا عندج طبقات في البشره اتحطين منه شوي والاتكثرين بس طبقه خفيفه..لانج راح بعدها تستخدمين الاساس..

الحين انا نفسي اعرف متى بنستخدم البودرة لحالها ومتى الفاوندشين لحاله ولا الاتنين مع بعض؟؟

أختي تقدرين تستخدمين البودره بدون الاساس بس قبلها لازم اتحطين المرطب أو البيس وع حسب بشرتج
لأنه بعض انواع المرطبات تقوم بتثبيت الميك اب

وفي نوع من البودره 2 في 1 وهي عباره عن اساس وبودره..تقدرين تستخدمينها مع الماي وبدون ماي..وتغنيج عن الاساس

وانا أحب استخدام البودره المائيه ماركة بن ناي..
وبودره كانيبو جدا رائعه في الاستخدام وبالذات للمناسبات
عندج البودره المضغوطه والثانيه البودره المائيه

((بس أهم شغله للمناسبات..))

البيس+كونسيلر+ الأساس+ البودره

و أهم شغله..المرطب اتحطينه قبل لاتحطين البودره والاساس
حتى يحافظ ع بشرتج..ويحميها من المكياج..

[size=25]اصير ارسم الكحل بقلم الكحل العاادي ؟؟؟ وهل راح تطلع النتائج مثل في الصور؟؟؟؟؟

لاني ماعرف للكحل السائل..

أختي الغاليه..تقدرين تستخدمين كحل القلم..بس اهم شي يكون مبري عدل ومن النوع الزين....لأنه كحل القلم حلو في الرسم..واصلا اكثر رسم العيون يكون بقلم الكحل..>>> لأنه كريمي ويساعدج ع الدمج والرسم!!!

ورسمة الكحل اللبناني دايما تكون بقلم الكحل..وهذه اكثر الرسمات
اللي تنرسم هالأيام..!!!

[/size]

لو الوحده عيونها واسعه اي طريقة تكون حلوة عليها ؟؟؟

احس الطريقة الاولى ؟؟وهل ممكن احط كحل تحت العين ويطلع مظبوط بدون ما يزيد من وسعها ؟؟

أحنا في الدوره خذنا عن انواع العيون وكل عين لها طريقتها في الكحل والشدو!!!

========

سبحان الله..كل عين لها نوع وأختلاف بالحجم والشكل!!!
فيه العيون الكبيره..والعيون الصغيره..والعيون الجاحظه والدائريه والمبطنه..ولكل نوع من هالعيون يركب عليها نوع معين من الكحل والشدو.. وانا بركز ع العين من ناحية ((الحجم...))

[ندعوك للتسجيل في المنتدى أو التعريف بنفسك لمعاينة هذه الصورة]

مآشاءالله..اذا كانت عيونكم واسعه وكبيره..شي أكيد و100% يصلح لها كل نوع ورسمه للكحل..سواء رسم الشدو..او رسم قلم الكحل داخل العين!!!
ومعروف أحلا الرسمات اتجيج ع العين الوسيعه..!!
وأختي وسع صدرك وشموخ عزي..ايوه حبيبتي تقدرين اتحطين قلم الكحل داخل العين..وحاولي تبتعدين عن القلم الابيض لانه راح يكبرها بزياده..بس اللون الأسود راح يبرز جمالها أكثر..!!

وعادي تقدرين تحطين القلم الابيض بس يكون بطريقه خفيفه

ولاحظي هالعيون الكبيره..ورسمة الكحل كيف!!

[ندعوك للتسجيل في المنتدى أو التعريف بنفسك لمعاينة هذه الصورة]

دايما وحطي في بالج..اذا كانت عيونج صغيره..تحتاجين لشي يخليها بحجم كبير!!
ومعروف اذا حطيتي قلم الكحل داخل العين..راح يعطيها شكل مصغر
أما أذا حطينا لون أفتح..مثل الابيض والسماوي راح يكبرها ويبرز شكلها
بحجم أكبر.. مثل الشدو..!!
ماتلاحظن لما انحط الوان غامقه وداخل العين لون غامق..اتبين العين
وايد صغيره..ولما نبدل اللون ونحط افتح..وانحط داخل العين قلم ابيض..
بتحسين العين اتسعت..

العيون الصغيره>>> القلم الاسود داخل العين يصغرها..
ويصير تستخدمين كل هالأنواع وكل طريقه من طرق رسمة الكحل..
لكن أنا أفضل أحسن طريقه رسمة الكحل اللبناني!!!!

ليش لأنج تقدرين ترسمين الكحل تحت الرمش السفلي..واتحطين قلم ابيض وأضاءه اتوسع العين!!!
واذا تبين تستخدمين قلم الكحل الأسود..تقدرين بطرق حلوه مع الشدو!! أخذي فرشاه وحطي فيها لون الاسود..ومديه ع برع..مثل هالصوره اللي ضفتها لج!!!

شوفي لاحظي انه عيونها صغار..بس وسعتها بطريقه مد الشدو ع زاوية العين الخارجيه!!

[ندعوك للتسجيل في المنتدى أو التعريف بنفسك لمعاينة هذه الصورة]

بس عندي سؤال الكحل انحطة قبل الظل ولا بعده؟؟؟؟
بالنسبه لسؤالج..هو في طريقتين للكحل..
تقدرين اتحطينه في البدايه..>>> قلم الكحل
تحت العين اتحددين العين الخارجيه تحت وفوق!!
وعقب ترسمين عليه بالظل والكحل السائل..
وتقدرين اتحطينه في النهايه ع اللمسات الاخيره>>كحل سائل

انا في درس راح اعطيكم اياه..الظل اللبناني..لأنه يشمل طريقة وضع الكحل مع الظل..!!

[SIZE=6]اذا كان العين ما فيه فاصل بين الجفن الثابت و المتحرك اشلون اقدر افصل ما بينهم ؟ [/SIZE]

بالنسبه لسؤالج!!!
انتي وقفي عند المنظره..وخلي عينج مفتوحه مثل طريقة هالصوره
راح يبين قوس العين!! او تجعيدة العين او طيتها!!
[ندعوك للتسجيل في المنتدى أو التعريف بنفسك لمعاينة هذه الصورة]
فوقها ابمسافه بسيطه..انتي شوفي اللي انا حطيت عليه أكس
جيبي صبعج..وتحسسي عظمة العين ع الجفن..
يعني راح يكون بين بين العظمه وبين القوس اللي وضحته
[ندعوك للتسجيل في المنتدى أو التعريف بنفسك لمعاينة هذه الصورة]

بس عندي سؤال الكحل انحطة قبل الظل ولا بعده؟؟؟؟

بالنسبه لسؤالج..هو في طريقتين للكحل..

تقدرين اتحطينه في البدايه..>>> قلم الكحل
تحت العين اتحددين العين الخارجيه تحت وفوق!!
وعقب ترسمين عليه بالظل والكحل السائل..

وتقدرين اتحطينه في النهايه ع اللمسات الاخيره>>كحل سائل

انا في درس راح اعطيكم اياه..الظل اللبناني..لأنه يشمل طريقة وضع الكحل مع الظل..!!

[size=25]اذا كان العين ما فيه فاصل بين الجفن الثابت و المتحرك اشلون اقدر افصل ما بينهم ؟ [/size]

بالنسبه لسؤالج!!!

انتي وقفي عند المنظره..وخلي عينج مفتوحه مثل طريقة هالصوره
راح يبين قوس العين!! او تجعيدة العين او طيتها!!

[ندعوك للتسجيل في المنتدى أو التعريف بنفسك لمعاينة هذه الصورة]

فوقها ابمسافه بسيطه..انتي شوفي اللي انا حطيت عليه أكس
جيبي صبعج..وتحسسي عظمة العين ع الجفن..
يعني راح يكون بين بين العظمه وبين القوس اللي وضحته

[ندعوك للتسجيل في المنتدى أو التعريف بنفسك لمعاينة هذه الصورة]

هل في الوان معينه للفنتازيا والبيروتي كيف اعرفه او هل يوجد ليه رسمه

اما بالنسبه لسوال عليا لما اخذت الدورة قالت الينا نفصل بينهم بقوس علشان يكون فيه جفنين اتوقع تقصد مثل عيون الاسيويين عندهم جفن واحد ؟؟؟

بالنسبه لألوان الفنتازيا هو ماله ألوان معينه لكن انتي تقدرين ادخلين عليه ألوان ع حسب فستانج أو لون انتي اتحبينه
بس أهم شي يكون لون غامق ع الجفن الثابت ولون فاتح ع الجفن المتحرك..يعني انا حطيت الذهبي ع الجفن المتحرك ليش؟؟
حتى يكون في تناسق بين الأضاءه تحت الحاجب وبين الجفن..

عندج درجات البني ودرجات البنفسجي ودرجات الاحمر والازرق
بس تختارين الألوان الغامقه المتوسطه..واهم نقطه اللون الاسود
اللي راح اندخله بين اللون مثل ماذكرت خط صغير يا بقلم الكحل
او الكحل السائل..

بالنسبه للبيروتي..أحنا راح ناخذ درس خاص للمكياج اللبناني الخفيف والثقيل..وبالدرس راح اتعرفين شلون اتميزين بين كل نوع وطريقته

وبالنسبه لعيون الاسيوين

شوفي تقدرين بهذه الطريقه اتقسمينها..عندج هذه زاوية الجفن المتحرك..او الخط الفاصل بين الجفن

[ندعوك للتسجيل في المنتدى أو التعريف بنفسك لمعاينة هذه الصورة]

وراح ترسمين الخط بين العظمه ابمسافه

[ندعوك للتسجيل في المنتدى أو التعريف بنفسك لمعاينة هذه الصورة]

ممكن اعرف الاوان المناسبه للجفن المبطن الي مثل اصاله

الكحله المناسبه للعيون المتقاربه والضيقه الصغيره يعني رسمه البوز العربي مايناسبها والفتحه مايناسبها او العيون الكبيره تليق لها اكثر ؟؟؟

بالنسبه لأول سؤال>>> بالنسبه للعيون المبطنه..لها مكياج خاص اسمه مكياج البنانا او ينقال له القوس المغلق ع الزاويه الخارجيه للعين يعني يجيج الشدو ممدود ع نهاية العين ع فوق و مكياج العيون المبطنه أشوف الألوان الغامغه أحسن حل لتغطية هالطبقه عندج الشدو الأسود ودرجات الكحلي والبنفسجي والرمادي والبني والسموكي..يعني اول شغله حطي ع الجفن الثابت لون غامق مثلا الكحلي وموهيه ومديه ع فوق حتى يوصل لطبقة الجفن الثابت بطريقه مسحوبه ع فوق..شوفي هذه عيون اصاله شوفي كيف يغطي المنطقه بطريقه حلوه..

انا ابغي اوضح لج كيف طريقة المد ع فوق ...

[ندعوك للتسجيل في المنتدى أو التعريف بنفسك لمعاينة هذه الصورة]

..وأهم نقطه أنج اتركزين ع منطقة العين الخارجيه وع الجفن المتحرك..

** ولسؤال الثاني>>> انتي تبين اتعرفين الكحل المناسب

للعين المتقاربه والضيقه والواسعه

العين المتقاربه>>>اسمها متقاربه..يعني ابدا مايصلح لها طريقة كحل مد العين من قدام وتقدرين اتحددين عند مدمع العيم بخط دقيق وصغير....والأحلى مدي الكحل في الزاويه الخارجيه مع دمج الشدو
يعني دائما حطي في بالج اسمها عين متقاربه..واذا انتي رسمتي العين من قدام بالكحل ومديتيه..راح يبين انه العين لازقه للخشم..

مثل ماذكرت قبل>>العين الصغيره والضيقه
تحتاج لطريقه نبرز الوسع فيها اذا انتي تبين اتحطين كحل اي نوع ..عليج بمد الشدو في نهاية
العين الخارجيه لانه راح يوحي لج بالأتساع واتحسين منطقه العين
خففت منطقة الضيق..والاتنسين اذا حطينا قلم اسود داخل العين راح يصغرها..وكلما حطينا لون افتح..كان افضل..

شوفي مثل طريقة هالمد ع برع...

[ندعوك للتسجيل في المنتدى أو التعريف بنفسك لمعاينة هذه الصورة]

العيون الواسعه>>> يصلح لها اي نوع من الكحل..وحلاتها اتحط داخل العين بالقلم الاسود

يسلمو على الدوره حبيبتي

الله يعطيك العافيه

ربي يسلم يدينك

مع حبي

[ندعوك للتسجيل في المنتدى أو التعريف بنفسك لمعاينة هذه الصورة]

يسلموووو قلبووو ع الدوره الحلوة
يعطيك ربي الف عااافيهـ ع مجهودكـ

لاخلااا وعدمناااكـ

وديهـ

[ندعوك للتسجيل في المنتدى أو التعريف بنفسك لمعاينة هذه الصورة]

روعة وتميز في طرح الموضوع
تقبلي مروري

» طريقة عمل المكياج - احتراف عمل المكياج بنفسك
» اخصائية التجميل بشائر القحطاني وتناغم المكياج
» من اضرار المكياج .....
» قصيده مكتوبه عن المكياج
» كيف تضعين المكياج بسهوووولة::::::