عيد الحب
على ضي القمر أسهر وأسافر في سما حبها ...... وأحاول إني أستجمع حروف الشعر وأنثرها
حروفاً كنها دمعي على الكراس متربعة ...... تواسيني وأواسيها ودموع العين نهمرها
تصبرني على حبي وأنا المعروف من صبره ...... وأنا حتى الصبر مني تطيح عزومه ويخرها
أنا الفارس إذا جتني حروب النار مستعرة ...... على كيفي أمشيها وعلى كيفي أسيرها
أعادي من يعاديني وأسل السيف في الشدة ...... وأحارب كل عدواني وأصيح الله وأنحرها
شيوم(ن) وافي(ن) ديني..شجاع وقاسي بالمره ..... وإذا أبغى الجبل يخضع جناحينه أكسرها
ولكن للظروف أحكام وللأيام دورتها ...... وجروح الوقت ياشعري ولا الأيام تجبرها
وهذا الحال من مدة تغير والسبب وردة ...... زرعت الحب أنا فيها ولكن الله قدرها
ودارت دنيتي فيني ودار الليل يتبعها ..... سقاني الهم على همي وطعنات(ن) بخنجرها
من أقبل علي حبي في عيد الحب يتشره ....... أجل وين الهنوف إللي دلالك كان يغمرها
وعطفك كان يرعاها بروحك كنت تفديها ...... ونفسك كنت تهديها وقلبك رهن خنصرها
ترا راحت ولا قالت تشوفك وين في بكرة ....... وأنا ظني ترا خانت خفوق إللي يقدرها
سكت وقلت في نفسي..خيانة ما أصدقها ...... صدمني بالخبر حبي ورحت أسرع وأدورها
سألت الحي والجيران ورحت أسأل أقاربها ..... وقالوا في جنازة اليوم ترا الدفان يقبرها
صلاة الموت صلينا عليها وروح وادعها ..... ترا آخر نفس كانت تقول أرجوك إعذرها
وجيت المقبرة بحزني..وصحت في الناس خلوني ...... أوادع جثة الغالي وحفرتها أبحفرها
وأسمعها كلام الحب..ومن أمها أبخطبها ....... وبهديها رصيد العمر وأنا الممنون وأشكرها
ولكن ماتخليني أسير أحزان فرقتها ...... جريح ومنكسر قلبي وعيوني الدمع كدرها
رجعت بحسرتي مكسور وأصيح (الله يرحمها) ....... وجتني عبرة الوحشة بالحالي وأنا أذكرها
وجبت الحب وعاتبته ... خيانة ليه تتهمها ...... خلاص إرحل وأنا قررت ليالي الحب ماأكررها
بعد ذيك الهنوف إللي عشقتها حيل من قلبي ...... أخاف أعشق أحد ثاني وأرجع ثاني أخسرها